Loire-regiono

Pays de la Loire Chefurbo Nantes Oficala linguo Franca Surfaco 32 082 km² Habitanti Denseso di habitantaro 3 718 512 (2015) 116 hab./km² Guberniestro Christelle Morançais (LR) Horala zono UTC+1 (UTC+2 dum la somero) TNP (yaro) € 101,2 miliardi (2012) Reto www.paysdelaloire.fr

Loire-regiono esas un ek la 18 regioni di Francia, jacanta weste de la lando. Ol konsistas ek 5 departmenti: Loire-Atlantique, Maine-et-Loire, la Mayenne, la Sarthe e Vendée. Kreita dum la yari 1950ma, lua surfaco ne modifikesis per l'administrala reformo di 2015.

Bazala fakti pri Loire-regiono.

Historio

Kande la regiono Anjou konkestesis dal Romani ol habitesis dal Andekavi populo Galiana. Romani nomesis lua precipua urbo Andegavum (la nuna Angers). Dum Mezepoko, tale nomizita "dinastio Anjou" o "dinastio Angevina" originis en la regiono.

La region propre kreesis en 1955, e lua 5 departamenti grupigesis nur segun kriterii ekonomiala ed administrala.

Geografio

La reliefo di ca regiono konsistas ek la kolini Vendée sude, e norde da kolini che Sarthe e Mayenne, da kolinoza regioni Coëvrons, Alpes mancelles, foresto di Perseigne, e la naturala regiono Perche. Lua maxim alta punto esas mont des Avaloirs, havanta 417 metri di altitudo.

Fluvio Loire, qua donacas lua nomo a la regiono, trairas du ek lua 5 departmenti. Loire-regiono havas 368 kilometri di litoro, e havas du importanta insuli: Noirmoutier (49 km² e 9 438 habitanti), ed Yeu (23,32 km² e 4 636 habitanti en 2013).