Lexington, Kentucky

Lexington

Aeral imajo pri Lexington.
Lando:	Usa
Stato:	Kentucky
Informo:
Latitudo:	38°02′47″N
Longitudo:	84°29′49″W
Altitudo:	298 m
Surfaco:	739,54 km²
Habitanti:	322 570 (2020)
Denseso di habitantaro:	440 hab./km²
Disto de Frankfort:	46,2^[1] km
Horala zono:	UTC-6 (UTC-5 dum somero)
Urbestro:	Linda Gorton (R)
Mapo:

Oficala retosituo:
www.lexingtonky.gov

Lexington esas la duesma maxim populoza urbo di Kentucky, Usa, dop Louisville, ed esas sideyo e la sola urbo di komtio Fayette. Segun la demografiala kontado di 2020 ol havis 266 358 habitanti, kontre 260 512 habitanti en 2000. Lua tota surfaco esas 739,54 km², equivalanta a 285,64 mi², di qui 734,62 km² (283,64 mi²) esas lando e la cetera esas aquo.

Lexington fondesis en 1775, 17 yari ante Kentucky divenir stato. L'urbo surnomizesis "la mondala chef-urbo di kavali", nam ol esas hemo di Kavalo-parko di Kentucky. Ol ank esas hemo dil Universitato di Transylvania e l'universitato di Kentucky.

Existas plua kam 230 kirki e sinagogi en Lexington.

La mezvalora yarala temperaturo esis 13 °C, kun 120 cm de pluvo omnayare.

Demografio

Segun la demografiala kontado di 2000, esis 260 512 homi, 108 288 hemanari, e 62 915 familii qui rezidis en la urbo. La denseso di habitantaro esis 353.5/km² (915.6/mi²). Esis 116 167 domi kun mezvalora denseso di 157.6/km² (408.3/mi²). Segun raso, esis 81.04% Blanki, 13.48% Negri od Afrikan-Usani, 0.19% indijeni Amerikana, 2.46% Aziani, 0.03% Pacifik-insulani, 21% de altra rasi, 1.58% de du o plura rasi, 3.29% de la habitantaro esis Hispan-Usani o Latin-Amerikani de irga raso. La habitantaro por la statistikala regiono konsistanta ek komtii Bourbon, Clark, Fayette, Jessamine, Madison, Scott e Woodford esis 424 778 habitanti.

Esis 108 288 hemanari, di qui 27.3% havis pueri od adolecanti evanta min kam 18 yari en la domo, 43.5% esis mariajita e habitis kune; en 11.5% muliero sen spozulo esis la domo-chefo, e 41.9% esis ne-familii. En 31.7% de omna hemanari vivis singla individuo, 7.5% habitesis da singla individuo evanta 65 yari o pluse. La mezvalora grandeso po hemanaro esis 2.29 personi e la mezvalora grandeso po familio esis 2.90 personi.

La procento di habitanti segun evo esis: 21.3% evanta min kam 18 yari, 14.6% de 18 til 24 yari, 33.2% de 25 til 44 yari, 20.9% de 45 til 64 yari, e 10.0% evanta 65 yari o pluse. La mezvalora evo esis 33 yari. Po singla 100 mulieri esis 96.5 viri. Po singla 100 mulieri evanta 18 yari o pluse esis 94.3 viri.

La mezvalora revenuo po hemanaro en la urbo esis US$ 39 813, e la mezvalora revenuo po familio esis US$ 53 264. La mezvalora revenuo por la viri esis US$ 36 166 kontre US$ 26 964 por la mulieri. La revenuo per capita por la urbo esis US$ 23 109. Vivis sub la povreso-lineo 12,9% de la habitantaro e 8,2% de la familii, inkluzite 14,3%, ek omna habitanti evanta min kam 18 yari, e 8,6% ek omna habitanti evanta 65 yari o pluse.