Listo pri prezidanti di Ukraina

Standardo di la prezidanto di Ukraina.

La prezidanto esas la chefo di stato di Ukraina. Ukraina havis 8 prezidanti de 1917 - kande la lando nedependanteskis de Rusia por formacar Popul-Republiko Ukraina - til nun, pluse altra 4 prezidanti en exilo.

Segun la nuna konstituco, la prezidanto di Ukraina elektesas dal populo por 5-yara periodo.

Yen listo pri prezidanti ed altra chefi di stato di Ukraina depos 1917.

Chefi di stato di Popul-Republiko Ukraina (1917-1921)

Nomo	Imajo	Komenco di guvernisteso	Fino di guvernisteso
Mihailo Hrushevskiy		27ma di marto 1917	29ma di aprilo 1918
Pavlo Skoropadskiy		29ma di aprilo 1918	14ma di decembro 1918
Volodimir Vinnichenko		14ma di decembro 1918	11ma di februaro 1919
Simon Petliura		11ma di februaro 1919	7ma di mayo 1921

Westal Ukraina

Popul-Republiko West-Ukraina esis republiko qua existis dum kurta periodo, de oktobro 1918 til la 22ma di januaro 1919, kande ol unionesis ad Ukraina. Tamen, ta uniono esis precipue simbolala, pro Westal Uraina mantenis lua propr armeo. Pos Polona-Ukrainana milito Polonia okupis granda parto dil teritorio di Westal Ukraina en julio 1919.

Lua chefo di stato esis Yevhen Petrushevich, de la 18ma di oktobro 1918 til la 22ma di januaro 1919, komence kom prezidanto dil konsilistaro di Populala Republiko di Westal Ukraina (til la 1ma di novembro 1918) e pose prezidanto di la republiko.

Prezidanti di Popul-Republiko Ukraina en exilo (1921-1991)

Nomo	Imajo	Komenco di guvernisteso	Fino di guvernisteso
Andriy Livickiy		25ma di mayo 1926	17ma di januaro 1954
Stepan Vitvickiy		17ma di januaro 1954	9ma di oktobro 1965
Mikola Livickiy		9ma di oktobro 1965	8ma di decembro 1989
Mikola Plaviuk		8ma di decembro 1989	22ma di agosto 1992

Republiko Ukraina (1991 til nun)

	Prezidanti di Ukraina		Elekto	Komenco di guvernisteso	Fino di guvernisteso	Partiso
		Leonid Kravchuk	1991	5ma di decembro 1991 (asumis povo ye la 22ma di agosto 1992)	19ma di julio 1994	sen partiso
		Leonid Kuchma	1994	19ma di julio 1994	14ma di novembro 1999	sen partiso
			1999	14ma di novembro 1999	23ma di januaro 2005
		Viktor Yushchenko	2004	23ma di januaro 2005	25ma di februaro 2010	Narodnyi Soyuz Nasha Ukrayina
		Viktor Yanukovich	2010	25ma di februaro 2010	22ma di februaro 2014	sen partiso (suportita da "Partiso di Regioni")
		Olexandr Turchinov provizora prezidanto	—	23ma di februaro 2014	7ma di junio 2014	Batkivshchyna
		Petro Poroshenko	2014	7ma di junio 2014	20ma di mayo 2019	Blok Petra Poroshenka «Solidarnist'»
		Volodimir Zelenskiy	2019	20ma di mayo 2019	nun	Servisto dil populo

Videz anke

• Listo pri chefministri di Ukraina