Maringá
| Município de Maringá | ||
| ||
| Aeral imajo pri Maringá | ||
|
| |
| Standardo | Blazono | |
| Lando: |  Brazilia
| |
| Stato: | Paraná | |
Informo:
| ||
| Latitudo: | 23°25'30" S | |
| Longitudo: | 51°56'20" W | |
| Altitudo: | 555 m | |
| Surfaco: | 488 km² | |
| Habitanti: | 409 657[1] (2022) | |
| Denseso di habitantaro: | 841,2 hab./km² | |
| Disto de Curitiba: | 450 km | |
| Urbestro: | Silvio Barros (PP, 2025-2028)[2] | |
Mapo:
| ||
| ||
Oficala retosituo:
| ||
| www.maringa.pr.gov.br | ||
Maringá esas urbo en Braziliana stato Paraná. Segun la demografiala kontado di 2022, ol havis 409 657 habitanti[1]. Lua tota surfaco esas 488 km². Ol esas la 3ma maxim populoza urbo dil stato e la 7ma maxim populoza di la Suda regiono. Ol havas alta indexo pri homala developeso e judikesas kom un ek la maxim sekura urbi de Brazilia por rezidar.
Maringá projetesis e fondesis ye la 10ma di mayo 1947 dal kompanio Companhia de Melhoramentos do Norte do Paraná. L'urbanisto Jorge Macedo Vieira projetis ol segun konceptaji del arkitekto Ebenezer Howard pri la nomizita urbi-gardeni, to esas, urbi cirkondata da verda arei. La precipua skolo-tereno dil Universitato Statala di Maringá, judikata kom la maxim bona universitato dil stato Paraná, jacas en la urbo.
Geografio
[redaktar | redaktar fonto]
La reliefo di Maringá esas plana, jacanta inter riveri Pirapó ed Ivaí.[3] Tropiko di Kaprikorno trairas la urbo.
La klimato dil urbo esas tropikala kun sika sezono (Aw segun la klimatala klasifikuro da Köppen), an la limito kun klimato subtropikala humida. La mezavalora temperaturo en junio (vintro) esas 17,8°C, kontre ke la mezavalora temperaturo en januaro e februaro (somero) esas 24.5°C.
La pluvoza sezono (plu kam 100 mm omna-monato) iras de septembro til junio. La mezavalora yarala pluvo-quanto esas 1592,7 mm, e la maxim pluvoza monato esas januaro, kun mezavalore 227,2 mm.
Referi
[redaktar | redaktar fonto]- ↑ 1,0 1,1 População em Maringá (PR) é de 409.657 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ Silvio Barros (PP) é eleito prefeito em Maringá; confira vereadores eleitos - Publikigita da G1. Dato di publikigo: 6ma di oktobro 2024. Idiomo: Portugalana.
- ↑ https://web.archive.org/web/20200824012330/http://www.maringa.pr.gov.br/mata_atlantica/plano.pdf