Murmansk

De Wikipedio
Jump to navigation Jump to search
Murmansk
Коллаж Мурманск.png
Kelk imaji pri Murmansk.
Flag of Murmansk.png Coat of Arms of Murmansk.png
Standardo di Murmansk Blazono di Murmansk
Lando: Flag of Russia.svg Rusia
Informo:
Latitudo: 68°58' N
Longitudo: 33°05' E
Altitudo: 50 m
Surfaco: 154,4 km²
Habitanti: 295 374 (2018)
Denseso di habitantaro: 1913,04 hab./km²
Horala zono: UTC+3
Mapo:
Mapo di Murmansk
• Murmansk
Eskaleri por pediranti en Murmansk.

Murmansk (Ruse Му́рманск) esas urbo en l'extremajo nord-westa di Rusia, norde del Arktika cirklo. L'urbo distas 108 km de la frontiero kun Norvegia. Segun statistiki de 2018, ol havis 295 374 habitanti. Entote ol havas 154,4 km².

Quankam eventis granda kresko di populizo e di konstrukturi pos la duesma mondomilito, dum recenta yardeki pos finir la Kolda milito, la habitantaro duras diminutar: de 468 039 habitanti en 1989 til 336 137 habitanti en 2002, e la kalkulita 295 374 habitanti en 2018.

Lua portuo sur la gulfo Kola, 30 km apud la Maro Barents, esas libera de glacio omna yari dum la vintro.

Geografio[redaktar | redaktar fonto]

Stadio Stroitel, dum la vintro.

La reliefo di Murmansk povas dividesar en 4 niveli. La minima altitudo esas 0 m, proxim la litoro. La maxim alta punto jacas 305,9 metri super la marala nivelo.

La klimato dil urbo esas subarktika (Dfc segun la klimatala klasifikuro di Köppen) kun longa e konjelanta vintri, e kurta e kolda someri. La mezavalora temperaturo en januaro (vintro) esas -10,1°C, dum ke la mezavalora temperaturo en julio (somero) esas 12,8°C. La "noktomeza suno" esas super la horizonto de la 22ma di mayo til la 23ma di julio (63 dii), dum ke la kontinua nokto duras 40 dii, de la 2ma di decembro til la 10ma di januaro.

La mezavalora yarala pluvozeso esas 494 mm, e la maxim pluvoza monato esas julio, kun mezavalore 70 mm.

Commons
Wikimedia Commons havas kontenajo relatante a: Murmansk