Nagasaki
| Nagasaki | ||
| ||
| Kelk imaji pri Nagasaki. | ||
|
| |
| Standardo | Blazono | |
| Lando: |  Japonia
| |
| Regiono: | Kyushu | |
Informo:
| ||
| Fondita ye: | 1571 | |
| Fondita da: | Portugalani | |
| Latitudo: | 32°47' N | |
| Longitudo: | 129°52' E | |
| Surfaco: | 406.35 km² | |
| Habitanti: | 389 281[1] (2024) | |
| Denseso di habitantaro: | 966 hab./km² | |
| Disto de Tokyo: | (per treno) 1250 km | |
| Horala zono: | UTC+9 | |
| Urbestro: | Shirō Suzuki | |
 • Nagasaki | ||
Oficala retosituo:
| ||
| www.city.nagasaki.lg.jp | ||
.jpg)
Nagasaki esas urbo en Japonia, e chef-urbo di la samnoma prefektio. Ol jacas an la sudwestala rivo dil insulo Kyushu. Segun statistiki de 2024, ol havis 389 281 habitanti[1]. Lua tota surfaco esas 406,25 km².
Ante ke Portugalani fondis ol en 1571, existis nur vilajeto di peskisti ibe. Balde ol divenis importanta komercala urbo e refujeyo por kristani qui fugis de altra regioni di Japonia.
Dum la duesma mondomilito ol subisis la duesma bombardo per atomobombo de la historio, ye la 9ma di agosto 1945. On kalkulas ke 35 mil de lora 242 mil habitanti perisis nemediate.
L'urbo posedas diversa universitati, inkluzinte l'Universitato di Nagasaki, fondita en 1949.
Geografio
[redaktar | redaktar fonto]
Nagasaki jacas apud bayo qua formacas la maxim bona naturala portuo dil insulo Kyushu. Lua reliefo esas kolinoza e montoza, kun plana areo apud lua portuo. Lua mezavalora altitudo esas 44 metri, e lua maxim alta punto jacas 1417 metri super la marala nivelo.
La klimato di Nagasaki esas humida subtropikala (Cfa segun la klimatala klasifikuro da Köppen), kun moderema vintri e longa, varma e humida someri. La mezavalora temperaturo en januaro (vintro) esas 7,2°C, kontre ke la mezavalora temperaturo en julio (somero) esas 26,9°C.
La mezavalora yarala pluvo-quanto dil urbo esas 1894,7 mm, e la maxim pluvoza monato esas junio, kun mezavalore 335,9 mm.
Referi
[redaktar | redaktar fonto]- ↑ 1,0 1,1 今月のうごき（推計人口など最新の主要統計） - Publikigita da Nagasaki city office. Dato di publikigo: 1ma di junio 2020. URL vidita ye 20ma di junio 2020. Idiomo: Japoniana.