Nashville, Tennessee
| Nashville | ||
 | ||
| Kelk imaji pri Nashville. | ||
 |
 | |
| Standardo | Blazono | |
| Lando: |  Usa | |
| Stato: | Tennessee | |
Informo: | ||
| Fondita ye: | 1779 | |
| Latitudo: | 36°10'N | |
| Longitudo: | 86°47'W | |
| Altitudo: | 182 m | |
| Surfaco: | 1362,2 km² | |
| Habitanti: | 715 884 (2022) | |
| Denseso di habitantaro: | 548,39 hab./km² | |
| Disto de Washington DC: | 1072,1[1] km | |
| Horala zono: | UTC-6 (UTC-5 dum somero) | |
| Urbestro: | Freddie O'Connell (D) | |
Mapo: | ||
 | ||
Oficala retosituo: | ||
| https://www.nashville.gov | ||
.jpg)
Nashville esas chef-urbo e maxim populoza urbo di Usana stato Tennessee. Segun statistiki de 2022, ol havis 715 884 habitanti. Lua tota surfaco esas 1362,2 km².
L'urbo nomizesis homaje generalo Francis Nash, de kontinental Armeo dum la milito pri nedependo di Usa. L'urbo fondesis en 1779, kande olua teritorio apartenis a Nordal Karolina. L'urbo kreskis rapide pro sua strategiala lokizo kom portuo che rivero Cumberland, e dum la 19ma yarcento, kom ferovoyala koncentro-punto. Kom parto di Tennesee Nashville separis su, e en 1862 ol esis l'unesma chef-urbo di la Kunfederuro kaptita dal Uniono. Pos finir la milito, l'urbo gradope rekuperis su e divenis importanta centro komercala ed industriala.
Nashville surnomizesis l'"urbo di la muziko" (Music City) nam ol esas importanta centro por muzikal industrio, nome stilo country. Ol ank esas sideyo di importanta universitati, exemple Universitato Tennessee State e Vanderbilt University.
Geografio
.jpg)
Nashville jacas ube komencas kolinoza regiono konocata kom Highland Rim. Sua reliefo esas kolinoza, kun altitudi varianta de 117 metri sur marala nivelo proxim rivero Cumberland, til 354 metri sur la marala nivelo che rezerveyo Radnor Lake State Natural Area. Lua mezavalora altitudo esas 169 metri super la marala nivelo.
La klimato dil urbo esas humida subtropikala (Cfa segun la klimatala klasifikuro da Köppen), kun varma e humida someri e koldeta vintri, tipala de la sudo di Usa. La mezavalora temperaturo en julio (somero) esas 27,1 °C, kontre ke la mezavalora temperaturo en januaro (vintro) esas 4,2 °C. La maxim kolda temperaturo enrejistrita en la urbo esis −27 °C, ye la 21ma di januaro 1985, kontre ke la maxim varma temperaturo enrejistrita esis 43 °C, ye la 29ma di junio 2012.
La mezavalora yarala pluvo-quanto esas 1283 mm, e la maxim pluvoza monato esas mayo, kun mezavalore 128 mm.
Referi
| Chef-urbi di Usana stati |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |