Phoenix, Arizona
| Phoenix | ||
 | ||
| Kelk imaji pri Phoenix. | ||
 | ||
| Standardo | ||
| Lando: |  Usa | |
| Stato: | Arizona | |
Informo: | ||
| Latitudo: | 33°26'54"N | |
| Longitudo: | 112°04'26"W | |
| Altitudo: | 331 m | |
| Surfaco: | 1344,94 km² | |
| Habitanti: | 1 608 139 (2020) | |
| Denseso di habitantaro: | 1198,04 hab./km² | |
| Disto de Washington DC: | 3747,7[1] km | |
| Horala zono: | UTC-7 | |
| Urbestro: | Kate Gallego (D) | |
 • Phoenix | ||
Oficala retosituo: | ||
| http://www.phoenix.gov/ | ||
Phoenix esas chef-urbo di Usana stato Arizona, e sideyo di la komtio Maricopa. Segun la demografiala kontado di 2020, ol havis 1 608 139 habitanti, kontre 1 445 632 habitanti en 2010. Lua tota surfaco esas 1344,94 km², equivalanta a 519,28 quadrata milii, di qui 1342,3 km² (518,27 mi²) esas lando, e la cetera esas aquo.
Phoenix esas la maxim populoza urbo di Arizona, e la 5ma maxim populoza urbo di Usa. Ol esas la maxim importanta urbo di metropolala regiono qua havis 4 845 832 habitanti en 2020[2]. Ol establisesis en 1867 kom agrokultivala komunitato inter riveri Salt e Gila. Ol divenis importanta centro por komerco di kultivita produkturi, bestii, kupro-mineralo e nun esas importanta centro por entraprezi di alta teknologio. Nun ol havas 215 primara skoli, 31 sekundara skoli, ed esas sideyo di du importanta universitati, Arizona State University e University of Arizona College of Medicine.
Geografio
[redaktar | redaktar fonto]
La reliefo di Phoenix esas ordinare plana, kun monti vicine ol. L'urbo jacas an sudala-centrala porciono di Arizona, cirkume an la duimo di la disto inter Tucson adsudeste, e Flagstaff norde. Per choseo, ol distas cirkume 240 kilometri norde de la frontiero kun Mexikia. La mezavalora altitudo dil urbo esas 331 metri super la marala nivelo[3].
La klimato dil urbo esas varma ed arida, tipala klimato de dezerto Sonora (BWh segun la klimatala klasifikuro da Köppen). Lua someri esas longa e varmega, kontre ke lua vintri esas kurta e milda. La mezavalora temperaturo en julio (somero) esas 35,3°C, kontre ke la mezavalora temperaturo en decembro (vintro) esas 7,4°C.
Mezavalore, 300 dii po yaro esas sunoza. Sporadike, la musono de Pacifiko portas kelka pluvi dum somero. La mezavalora yarala pluvo-quanto esas 183 mm, e la maxim pluvoza monati esas julio ed agosto, rispektive kun 23 mm e 24 mm, mezavalore.
Demografio
[redaktar | redaktar fonto].jpg)
Segun la demografiala kontado di 2020, Phoenix havis 1 608 139 habitanti, di qui 49.8% esis mulieri. Segun raso, 42,2% ek la habitantaro esis blanki, 42,6% esis Hispan-Usani o Latin-Amerikani, 7,15 esis negri, 3,9% esis Aziani o decendanti, e 3,4% esis mestici[4].
La mezavalora revenuo po hemanaro en la urbo esis US$ 47 866, e la revenuo per capita esis US$ 54 804. La procento di habitanti e la procento di familii qui vivis sub povreso-lineo esis rispektive 21.8% e 17,1%. Vivis sub povreso-lineo 34,1% ek omna habitanti evanta min kam 18 yari, e 10,5% ek omna habitanti evanta 65 yari o pluse.
Referi
[redaktar | redaktar fonto]- ↑ https://www.rome2rio.com/pt/s/Washington/Phoenix
- ↑ U.S. Census website - Publikigita da Usana Kontado-Ministerio. URL vidita ye 12ma di septembro 2021. Idiomo: Angla.
- ↑ What is the Altitude of Phoenix Arizona? Exploring the Elevation - Publikigita da Antennas Online. URL vidita ye 9ma di marto 2025. Idiomo: Angla.
- ↑ 2020 Census - Dato di publikigo: 2020.
| Chef-urbi di Usana stati |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |