Topeka, Kansas

De Wikipedio
Irez ad: pilotado, serchez

Topeka esas chef-urbo di Usana stato Kansas. Ol jacas en la komtio Shawnee. Segun la kontado di 2000, la populo esis 122 377 habitanti.Lua totala surfaco esis 147,6km²

Existas tri navi kun la nomo USS Topeka.

Historio[redaktar | redaktar fonto]

Ye 1854 l'urbeto fondesis kun la nomo "Topeka Town Association." Ibe vivis viro nomizita Cyrus K. Holliday, qua divenis l'unesma urbestro e fondero di la ferovoyala kompanio Atchison, Topeka and Santa Fe Railroad.

Kande Kansas eniris l'uniono kom la 34ma stato, Topeka divenis lua chef-urbo, kun Dr. Charles Robinson kom l'unesma guberniestro.

L'urbo esis la hemo di Charles Sheldon, autoro di In His Steps. Topeka esis la loko ube la famoza questiono, "What would Jesus do?", aparis, dum diskutado che l'eklezio Central Congregational Church.

Geografio[redaktar | redaktar fonto]

Topeka jacas a 39.04° N 95.69° W.

Segun l'Usana Kontado-Ministerio, l'urbo havas entote 147.6 km², equivalanta a 57.0 mi², di qui 145.1 km² (56.0 mi²) esas lando e 2.5 km² (1.0 mi², o 1.70% de la surfaco totala) esas aquo.

Demografio[redaktar | redaktar fonto]

Segun la demografiala kontado di 2000, esis 122,377 homi, 52,190 hemanari, e 30,687 familii qui rezidis en la urbo. La denseso di habitantaro esis 843.6/km² (2,185.0/mi²). Esis 56,435 domi kun mezvalora denseso di 389.0/km² (1,007.6/mi²). Segun raso, esis 78.52% Blanki, 11.71% Negri od Afrik-Usani, 1.31% indijeni Amerikana, 4.06% de altra rasi, e 3.26% de du o plura rasi, e 8.86% de la habitantaro esis Hispan-Amerikani o Latin-Amerikani de irga raso.

Esis 52,190 hemanari, di qui 28.0% havis pueri od adolecanti evante min kam 18 yari en la domo, 41.8% esis mariajita e habitis kune; en 13.1% muliero sen spozulo esis la domo-chefo, e 41.2% esis ne-familii. En 35.0% de omna hemanari vivis unika sola individuo, e 11.7% habitesis da singla individuo evante 65 yari o pluse. La mezvalora grandeso per hemanaro esis 2.27 personi e la mezvalora grandeso per familio esis 2.94 personi.

La procento di habitanti segun evo esis: 24.3% evante min kam 18 yari, 9.9% de 18 til 24 yari, 28.9% de 25 til 44 yari, 21.9% de 45 til 64 yari, e 15.1% evante 65 yari o pluse. La mezvalora evo esis 36 yari. Por singla 100 mulieri esis 92.4 viri. Por singla 100 mulieri evante 18 yari o pluse esis 88.4 viri.

La mezvalora revenuo per hemanaro en la urbo esis $35,928, e la mezvalora revenuo per familio esis $45,803. La mezvalora revenuo por la viri esis $32,373 kontre $25,633 por la mulieri. La revenuo per capita por la urbo esis $19,555. Vivis sub la povreso-lineo 12.4% de la habitantaro e 8.5% de la familii. Ek omna habitantaro evante min kam 18 yari, 16.7% ed ek omna habitantaro evante 65 yari o pluse, 8.2% vivis sub la povreso-lineo.

Famoza personi de Topeka[redaktar | redaktar fonto]


Chef-urbi di Usana stati

AlabamaAlaskaArizonaArkansasConnecticutDelawareFloridaGeorgiaHavayiIdahoIllinoisIndianaIowaKaliforniaKansasKentuckyKoloradoLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNorda-KarolinaNordal DakotaNova-HampshireNova-JerseyNova-MexikiaNova-YorkOhioOklahomaOregonPensilvaniaRhode IslandSudal KarolinaSudal DakotaTennesseeTexasUtahVermontVirginiaWashingtonWestal VirginiaWisconsinWyoming