Dover, Delaware

Dover
Komerceyi en Dover.
Lando:	Usa
Stato:	Delaware
Informo:
Fondita ye:	1683
Latitudo:	39°09'29" N
Longitudo:	75°21'38" W
Altitudo:	9 m
Surfaco:	62,09 km²
Habitanti:	39 403 (2020)
Denseso di habitantaro:	642,79 hab./km²
Disto de Washington DC:	148,1 km
Horala zono:	UTC-5 (UTC-4 dum somero)
Urbestro:	Robin R. Christiansen
Mapo:
Oficala retosituo:
www.cityofdover.com

Historiala konstrukturi en Dover.

Dover esas la chef-urbo e la 2ma maxim populoza urbo di Usana stato Delaware. Segun la demografiala kontado di 2020, ol havis 39 403 habitanti, kontre 36 047 habitanti en 2010, e 32 135 habitanti en 2000. Lua tota surfaco esas 62,09 km², equivalanta a 23,97 mi², di qui 61,30 km² (23,67 mi²) esas lando e la cetera esas aquo.

William Penn baptis ol homajanta Dover, en Anglia. Nun, ol esas un ek la loki di Delaware kun maxim rapida kresko. La maxim importanta employanto dil urbo esas la guvernerio dil stato. Dover ank esas sideyo dil universitato Delaware State University, la sola universitato dil stato historiale establisita por negra studenti.

Demografio

Segun la demografiala kontado di 2000, esis 32 135 homi, 12 340 hemanari, e 7 502 familii qui rezidis en la urbo. La denseso di habitantaro esis 554.1/km² (1 435,0/mi²). Esis 13 195 domi kun mezvalora denseso di 227.5/km² (589.2/mi²). Segun raso, esis 54.94% Blanki, 37.22% Negri od Afrikan-Usani, 0.45% indijeni Amerikana, 3.16% Aziani, 0.04% Pacifik-insulani, 1.57% de altra rasi, e 2.62% de du o plura rasi, e 4.13% de la habitantaro esis Hispan-Usani o Latin-Amerikani de irga raso.

Esis 12 340 hemanari di qui 30.0% havis pueri od adolecanti evanta min kam 18 yari en la domo, 40.4% esis mariajita e habitis kune; en 16.7% muliero sen spozulo esis la domo-chefo, e 39.2% esis ne-familii. En 31.4% de omna hemanari vivis singla individuo, e 10.6% habitesis da singla individuo evanta 65 yari o pluse. La mezvalora grandeso po hemanaro esis 2.35 e la mezvalora grandeso po familio esis 2.98 personi.

La procento di habitanti segun evo esis: 23.5% evanta min kam 18 yari, 15.7% de 18 til 24 yari, 27.9% de 25 til 44 yari, 19.5% de 45 til 64 yari, e 13.3% evanta 65 yari o pluse. La mezvalora evo esis 33 yari. Po singla 100 mulieri esis 88.9 viri. Po singla 100 mulieri evanta 18 yari o pluse, esis 85.1 viri.

La mezvalora revenuo po hemanaro en l'urbo esis US$ 38 669, e la mezvalora revenuo po familio esis US$ 48 338. viri havas mezvalora revenuo di US$ 34 824 kontre US$ 26 061 por la mulieri. La revenuo per capita por l'urbo esis US$ 19 445. Vivis sub povreso-lineo 13.8% de la habitantaro e 11.5% de la familii, inkluzite 19.6% ek omna habitantaro evanta min kam 18 yari, e 10.4% ek omna habitantaro evanta 65 yari o pluse.

Videz anke

• Delaware