Neil Young

De Wikipedio
Irez ad: pilotado, serchez
Neil Young
Neil Young che la Festivalo Insuli di Wight en 2009
Profesiono: muzikisto
Lando: Flag of Canada.svg Kanada
Naskodato: 12 di novembro 1945
Nasko-loko: Toronto, Kanada
Mortodato:

Neil Percival Young OC OM (12ma di novembro 1945) esas kanadana kantisto, kansonifero, muzikisto, produktisto, direktisto e filmoskribisto.

Young unesme pleis en grupo qui pleis instrumentali da le Shadows en Kanada en 1960.  En 1966, pos kurta membreso di le Mynah Birds di Rick James , il translojis a Los Angeles, ube il formacis Buffalo Springfield kun Stephen StillsRichie Furay ed altri.  Young ja editabis du solo-albumi kande il adheris Crosby, Stills & Nash en 1969, plus du kom membro di Buffalo Springfield.  De lua frua solo-albumi e ti kun sua grupo Crazy Horse, Young registragis konstanta serio de albumi, kelkafoye disputanta kun la disko-kompanio.

La ofte distordita elektrala gitar-arto da Young, profunde personala liriki e signaturala tenoro-voco trafluas lua longa kariero.  Young anke pleas piano e bokoharmoniko en multa albumi qui freque kombinas folkrockblues ed altra muzikala stili.  Famoza pro emocala buraski e lacerar kansono-plelisti, Young ofte pleas akustikala versioni di kansoni che un spektaklo ed elektrala versioni che altri.  Pro lua gitar-arto, aparte kun Crazy Horse, il ganis la nomo "Baptopatro di Grunge" e to duktis a lua albumo di 1995 Mirror Ball kun Pearl Jam.

Young direktis (o kundirektis) filmi sub la pseudonimo Bernard Shakey, inkluzite Journey Through the Past (1973), Rust Never Sleeps (1979), Human Highway (1982), Greendale (2003), e CSNY/Déjà Vu (2008).  Il anke kontributis a la muziko di la filmi Philadelphia (1993) e Dead Man (1995).

Young recevis plura Grammy e Juno-premii.  La Rock & Roll Hall of Fame instalis lu dufoye: kom solo-artisto en 1995 ed en 1997 kom membro di Buffalo Springfield.  En 2000, la revuo Rolling Stone deklaris ke Young esis la 34ma maxim bona rock 'n roll-artisto di omna tempo.

Il habitas Kalifornia depos la 1960a yari ma retenas kanadana civitaneso.  Il grantesis la Order of Manitoba ye julio 14ma 2006, ed Officer of the Order of Canada ye decembro 30ma 2009.

Kansoni da Neil Young[redaktar | redaktar fonto]

Albumi da Neil Young[redaktar | redaktar fonto]

  • Harvest (1972)