Toronto

De Wikipedio
Irez a navigado Irez a serchilo
Toronto
Montage of Toronto 7.jpg
Kelk imaji pri Toronto.
Flag of Toronto, Canada.svg Blason ville ca Toronto (Ontario).svg
Standardo Blazono
Lando: Flag of Canada.svg Kanada
Provinco: Ontario
Informo:
Latitudo: 43°42' N
Longitudo: 79°24' W
Altitudo: 76 m
Surfaco: 630,21 km²
Habitanti: 2 731 571 (2016)
Disto de Ottawa: 352 km
Horala zono: UTC-5
(UTC-4 dum la somero)
Urbestro: John Tory
• Toronto
Oficala retosituo:
www.toronto.ca
Anciena prefekteyo di Toronto.

Toronto esas la maxim populoza urbo di Kanada,[1] kun plu kam 2.7 milion habitanti en 2016, e chef-urbo di la provinco Ontario. Ol ank esas la financala centro di Kanada: lua borso esas la maxim granda di Kanada, e la 7ma maxim granda de la mondo.

Esanta la "ekonomiala chef-urbo" di Kanada, ol ank esas blokala urbo. Ultre financi, ol ank esas importanta centro por telekomuniki, aferi, transporto, arto, cinemo, medikal inquesto, eduko e turismo. Toronto recevas multa enmigranti de tota mondo, e cikume 49% de lua habitantaro ne naskis ibe. Pro la basa kriminozeso, la sorgo pri ambientala temi ed alta vivo-qualeso, ol ofte judikesas kom un ek la maxim bona urbi de la mondo por rezidar. Tamen, en 2006 ol klasifikesis kom la maxim chera urbo di Kanada por rezidar.

Toronto havas tri universitati: l'universitato di Toronto, l'universitato York, e l'universitato Ryerson. L'universitato di Toronto esas la maxim anciena en la tri, e fondesis en 1827. Pri primara e sekundara eduko, cirkume 3/4 de la studianti studias en publika skoli, e la cetera studias en katolika skoli.

An la vicina urbo Mississauga jacas l'internaciona aeroportuo di Toronto.

Historio[redaktar | redaktar fonto]

L'unesma Europani qui exploris la regiono di la nuna Toronto esis Franci. Li trovis indijeni Iroquois en la regiono, qui ekpulsabis la Wyandot (Huron), populo qua habitis la regiono dum yarcenti, ante 1500. Franci fondis Fort Rouillé en 1750, ma abandonis ol en 1759, dum la Sep-yara milito.[2]

Dum Usana nedependo-milito, multa Britaniani fugis de Usa ed establisis su norde de lago Ontario. Pro lua portuo, l'urbo uzesis kom navala bazo. En 1787, Britaniani kompris la vicina Mississauga, por expansar l'urbala areo di Toronto. En 1793, John Graves Simcoe fondis York, origino di la nuna Toronto, qua pose selektesis kom chef-urbo di tale nomizita regiono "Supera Kanada".

Geografio[redaktar | redaktar fonto]

L'aeroportuo di Toronto dum vintro.

Havanta 630,21 km² di surfaco totala, Toronto jacas apud la lago Ontario. Lua reliefo esas grandaparte plana o havas milda kolini. Kelka ravini interuptas lua basa tereni. Kelka insuli che la lago Ontario apartenas al urbo. La maxim alta punto jacas 209 metri metri super la marala nivelo proxim la skolo-tereno dil universitato York.

La klimato dil urbo esas esas varma e humida kontinentala (Dfa segun la klimatala klasifikuro da Köppen), esante plu dolca kam la nordala regioni di Kanada. La vintri esas kolda kun temperaturi infre 0°C, ed ofte nivas. La mezavalora temperaturo en julio (somero) esas 22,3°C, kontre ke la mezavalora temperaturo en januaro (vintro) esas -3,7°C.

La pluvoza sezono iras de aprilo til novembro. La mezavalora yarala pluvo-quanto esas 714 mm, e la maxim pluvoza monato esas septembro, kun mezavalore 84,7 mm.

Referi[redaktar | redaktar fonto]

  1. Canadá. Tiempo Medio de Greenwich. URL vidita ye la 29ma di januaro 2008.
  2. (2006). Fort Rouillé. Jarvis Collegiate Institute.