Ottawa

De Wikipedio
Salti al navigilo Irez a serchilo
Ottawa
OttawaCollage.png
Kelk imaji pri Ottawa.
Flag of Ottawa, Ontario.svg Coat of arms of Ottawa, Ontario.png
Standardo Blazono
Lando: Flag of Canada.svg Kanada
Informo:
Latitudo: 45°25' N
Longitudo: 75°42' W
Altitudo: 70 m
Surfaco: 2778,64 km²
Habitanti: 883 391 (2011)
Horala zono: UTC-4
Mapo:
Mapo di Ottawa
Hotelo Château Laurier e la centro del urbo.

Ottawa esas la chef-urbo e la 4ma maxim populizita urbo di Kanada. Segun la demografiala kontado di 2011, ol havis 883 391 habitanti[1]. Entote ol havas 2778,64 km².

Lua nomo Ottawa devenas de Algonquiana indijena Usana vorto adawe, quo probable signifikas "granda rivero".

Historio[redaktar | redaktar fonto]

L'urbo kreskis dum la yari 1820ma apud la kontoro dil Britaniana Rejala Injeniori. Ottawa divenis chef-urbo dum la meza 19ma yarcento sub nomo Bytown.

Quar urbi rivalesis pri la honoro divenar chef-urbo di Kanada: Québec, Montreal, Kingston e Toronto. Singla klarigis ke irga tri ek li forte opozus la selekto dil quaresma - do en 1858 Rejino Viktoria pregesis arbitriar. El kompromisis per selektar kinesma - Ottawa.

Toronto evis plu kam 100 yari; Québec, Montreal e Kingston fondesis dum la 17ma yarcento. Ottawa evis apene tri yardeki kande ol selektesis kom chef-urbo.

Ye 3 di februaro 1916, la nacionala parlamento-edifico, konstruktita dum la 1860-yardeko, esis destruktata pro fairo. Rumori sugestis ke, eventante dum la mondo-milito, lo esis pre-meditita incendio; tamen la supozajo esas ke la kauzo esis neglijeme abandonita sigaro. Laboro balde komencis por nova edifico, qua similesis la antea strukturo, e la parlamento unesmafoye kunvenis en la nova strukuro en 1920.

Gatineau[redaktar | redaktar fonto]

En norda latero di rivero e Québec provinco esas l'urbo di Gatineau.

Referi[redaktar | redaktar fonto]