Pedro Álvares Cabral
| Pedro Álvares Cabral | ||
| ||
| Profesiono: | navigisto | |
| Lando: | Portugal | |
| Naskodato: | 1466, 1467 | |
| Nasko-loko: | Belmonte, Portugal | |
| Mortodato: | 1519 | |
| Morto-loko: | Santarém, Portugal | |
Pedro Álvares Cabral (n. 1467 o 1468 til 1520 o 1526) esis Portugalana nobelo, navigisto ed exploristo. Lu judikesas kom kom la deskovrinto di Brazilia, ye la 22ma di aprilo 1500.
Cabral naskis en urbo Belmonte, Beira Baixa, Portugal. Lu esis filiulo de Fernão Cabral ed Isabel de Gouveia de Queirós. Ilu mariajis Isabel de Castro. Posible ilu havis bona konoco pri navigado e granda experienco kom maristo. Pro to, rejulo Manuel la 1ma di Portugal judikis lu kompetenta por prolongigar la laboro da Vasco da Gama.
Voyajo
[redaktar | redaktar fonto]Cabral recevis de la rejo 13 navi e 1500 homi por komandar. Ye la 9ma di marto 1500 l'expedicionala floto di dek-e-tri navi departis de Lisboa. La skopo esis voyajar ad India por negociar spici ed establisar komercal avanposteni en India. Li iris per nova voyo, cirkum la sudo di Afrika, explorita unesmafoye dum la voyajo di Vasco da Gama, qua retrovenabis a Portugal de India en 1499.
Pos departir de Kabo Verda, la floto navigis vers sud-westo an sudal Atlantiko fore de Afrika, pro navigala tekniko. Ye la 22ma di aprilo 1500, videsis monto (qua baptesis Monte Pascoal) e li atingis nekonocata lando, quan li exploris til la 2ma di mayo. Cabral deklaris ke la lando esas posedajo di Portugal, e nomizis ol Ilha de Vera Cruz ("Insulo di la Vera Kruco"). Lu ne savis ke fakte ne esis insulo, ma la marobordo di Sud-Amerika, e la nova posedajo pose nomesis Brasil (Brazilia). En eventoza expediciono (dum qua plura navi perdesis), Cabral atingis India ye la 13ma di septembro, ube il negociis vari, e fine arivis en Portugal dum la somero di 1501. La rezultanta interesi di Portugal pri Sud-Amerika, e pri estala komerco, divenis duriva.