Penang

De Wikipedio
George Town, Penang

Penang esas malaiziana stato situita an la nordwesta marbordo di Peninsulala Malaizia, apud la Stretajo di Malaka.

Loko di Penang (reda) en Malaizia (verda)

Ol havas du parti: Penang-Insulo, ube la chefurbo, George Town, situesas, e Seberang Perai (olim Provinco Wellesley) sur la Malaya Peninsulo.  Penang havas frontieri kun Kedah norde ed este, e kun Perak sude.

Konocata kom la Siliko-Valo dil Esto pro sua industrii, Penang esas anke un ek la maxim urbanigita ed ekonomiale importanta stati en Malaizia.  George Town, fondita da Britania en 1786, esas UNESCO Mondala Heredajo-Situo e prosperoza turisto-destino.  Penang havas la triesma maxim alta indexo pri homala developeso en Malaizia, dop la stato Selangor e la Federala Teritorio di Kuala Lumpur.

Olua heterogena populo esas diversega ye etnio, kulturo, linguo e religio.  Rezidanti di Penang lokale konocesas kom Penangite (en la angla), Penang Lang (en Penang Hokkien) o Penangkaran (en Tamil).

Nomo[redaktar | redaktar fonto]

La nomo Penang devenas de la moderna Malayana nomo Pulau Pinang, quo signifikas 'la insulo dil Areca catechu'.  La nomo Penang povas anke referar sive Penang-Insulo o la state di Penang.

Penang anke konocesas kom la 'Perlo dil Oriento', "东方之珠" e Pulau Pinang Pulau Mutiara (Penang, La Insulo di Perli).  Penang abreviesas "PG" en la angla, o "PP" en la Malayana.

Linguo[redaktar | redaktar fonto]

La komuna lingui di Penang, depende sociala klasi, sociala medii, ed etniala deveni, esas Malayana, angla, Penang Hokkien, Mandarin e Tamil.

La angla esis olim la oficala linguo, aparte kande Penang guvernesis direte da Britania.  Ico helpesis da la kresko di misionista skoli tra George Town, inkluzanta Penang Free School, St. Xavier's Institution, St. George's Girls' School, katolika skoli, e Metodista skoli, qui omna uzis angla kom docolinguo ed alte estimesis da la lokani.  La maxim multa Penangani ankore parolas sat bone la linguo.  Britana angla uzesas formale, ma parole on uzas generale Manglish.  Remarkinde, George Town esas la sola urbo en Malaizia qua retenas generale sua angla strado-nomi, videbla per la multalingua strado-sign en la urbo.

Hodie, la Malayana esas la oficala linguo di la stato, ultre la docolinguo en nacionala skoli.  Ol parolesas en la norda dialekto, kun karakteriziva vorti quala "hang", "depa" e "kupang".  Silabi qui finas per "aq" generale acentizesas.

Tamil parolesas dal indiana komuneso en Penang.  TeluguPunjabi e Malayalam anke parolesas da mikra nombro de indiani.

Geografio[redaktar | redaktar fonto]

Penang geografiale dividesas aden du duimi da la Stretajo di Penang:

  • Penang-Insulo: insulo de 293 km2;
  • Seberang Perai: streta doplando de 653 km2 sur la Malay-Peninsulo.  Ol havas frontieri kun Kedah este e norde (rivero Muda) e kun Perak sude.

La Stretajo di Penang separas Penang-Insulo e Seberang Perai, e dividesas aden la Norda Kanalo (norde de George Town) e la Suda Kanalo (sude de George Town).  George Town sur Penang-Insulo separesas de Butterworth per nur 3 km.

Klimato[redaktar | redaktar fonto]

Quale cetera Malaizia, Penang havas tropikala klimato.  La klimato tre inflesas da la cirkondanta maro e la vento-sistemo.