Ponta Grossa
| Ponta Grossa | ||
| ||
| Panoramo pri Ponta Grossa. | ||
|
| |
| Standardo | Blazono | |
| Lando: |  Brazilia
| |
| Stato: | Paraná | |
Informo:
| ||
| Latitudo: | 25°05'42" S | |
| Longitudo: | 50°09'43" W | |
| Altitudo: | 975 m | |
| Surfaco: | 2 067 km² | |
| Habitanti: | 358 367[1] (2022) | |
| Denseso di habitantaro: | 174,4 hab./km² | |
| Disto de Curitiba: | 117 km | |
| Urbestro: | Elizabeth Schmidt (União Brasil, 2025-2028)[2] | |
Mapo:
| ||
| ||
Oficala retosituo:
| ||
| htttps://www.pontagrossa.pr.gov.br | ||
Ponta Grossa esas urbo en Braziliana stato Paraná. Segun la demografiala kontado di 2022, ol havis 358 367 habitanti[1]. Lua tota surfaco esas 2 067 km².
Ponta Grossa esas la 4ma maxim populoza urbo de Paraná. Lua sideyo kreesis ye la 15ma di septembro 1823, ed ol divenis urbo ye la 6ma di decembro 1855.
Existas du publika universitati en Ponta Grossa: universitato dil stato en Ponta Grossa (Portugalane: Universidade Estadual de Ponta Grossa, abreviuro UEPG) e la Teknologiala Universitato Federala di Paraná (Portugalane Universidade Tecnológica Federal do Paraná - abreviuro UTFPR) inaugurita en 1991.
Geografio
[redaktar | redaktar fonto]
La reliefo di Ponta Grossa esas tote salioza, ed existas multa valeti di riveri en l'urbo-loko. La maxim multa riveri qui trairas la urbo apartenas a la baseno dil rivero Paranapanema, ecepte poka riveri nord-este, qui apartenas a la baseno dil fluvio Ribeira.
La klimato dil urbo esas subtropikala, kun varma someri (Cfb segun la klimatala klasifikuro da Köppen). La mezavalora temperaturi en januaro e februaro (somero) esas 21,5°C, kontre ke la mezavalora temperaturo en julio (vintro) esas 13,4°C.
La mezavalora yarala pluvo-quanto esas 1517 mm. La mezavalora monatala pluvo-quanto superiras 110 mm ecepte de aprilo til mayo, e de julio til agosto, ma fakte ne existas sika sezono. La mezavalora relativa humideso aerala sempre superiras 70% omnamonate. L'urbo recevas entote 2217 hori di sunala lumo omnayare.
Ekonomio
[redaktar | redaktar fonto]
L'urbo jacas apud importanta chosei qui ligas la sudo di Brazilia a Sao Paulo, e havas granda industrii di nutrivi e granda entraprezi di transporto. Ol anke havas fabrikerii qui extraktas manjebla oleo de soyo, produktas alimenti por animali, fabrikerii por transformar ligno, biro-fabrikerio de Heineken, e fabrikerii di texuri. L'urbo anke havas granda depozeyi uzata por konservar grani ante l'exporto o por produktar nutrivi por homi e por animali.
La municipo Ponta Grossa esas sideyo dil Statala Parko Vila Velha (Parque Estadual de Vila Velha), qua koncentras roki formacita dum Karbonifero, cirkume 340 milion yari ante nun. La formi dil erodita roki semblas kalico, kapo di kamelo, boto, edc.
Referi
[redaktar | redaktar fonto]- ↑ 1,0 1,1 População em Ponta Grossa (PR) é de 358.367 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ VÍDEO: Reeleita prefeita de Ponta Grossa, Elizabeth Schmidt (União) diz que saúde será prioridade - Publikigita da G1. Dato di publikigo: 7ma di oktobro 2024. Idiomo: Portugalana.