Pretoria

De Wikipedio
Jump to navigation Jump to search
Pretoria
Tshwane
Montage of Pretoria.jpg
Kelk imaji pri Pretoria.
Flag of Pretoria.svg Pretoria coa.jpg
Flago di Pretoria Blazono di Pretoria
Lando: Flag of South Africa.svg Sudafrika
Informo:
Latitudo: 25°43' S
Longitudo: 28°17' E
Altitudo: 1370 m
Surfaco: 1644 km²
Habitanti: 2 345 908 (2007)
Denseso di habitantaro: 856 hab./km²
Mapo:
Mapo di Pretoria
Verda areo an la centro di Pretoria.

Pretoria (Tshwane) esas un ek la tri chef-urbi di Sudafrika, esante la sideyo dil exekutiva povo (Kab-urbo esas la legifala chef-urbo, e Bloemfontein la judiciala). Segun statistiki de 2005, ol havis 1 884 046 habitanti. Lua totala surfaco esas 1644 km².

Pretoria havas tri universitati e la Konsilistaro por Ciencala ed Industriala Inquesto (Angle: Council for Scientific and Industrial Research, CSIR), la maxim prestijoza organizuro pri ciencala inquesto di Sudafrika.

L'urbo fondesis en 1855 e nomizesis pro Andries Pretorius (1799-1853), Buro-duktero. Existis propozaji pri rinomizar ol Tshwane, tamen la propozaji produktis kelka kontroversi.

Geografio[redaktar | redaktar fonto]

La montaro Magaliesberg cirkondas Pretoria.

La reliefo di Pretoria esas plana, situita en valo cirkondata dal kolini e monti dil montaro Magaliesberg. Ol distas 50 km norde de Johannesburg. La rivero Apies fluas de sude adnorde til ekfluar en la fluvio Pienaars.

La klimato dil urbo esas subtropikala humida (Cwa segun la klimatala klasifikuro di Köppen). La mezavalora temperaturo en januaro (somero) esas 22.6°C, dum ke la mezavalora temperaturo en junio (vintro) esas 11,5°C. Kande ne existas nubi en la cielo, la temperaturi povas falar til 2°C e mem -5°C. Altralatere, dum neordinara kaloroondo en novembro 2011, la temperaturi atingis 39°C, nekomuna dum la printempo.

Pluvi falas precipue dum la somero. La mezavalora yarala pluvozeso esas 673 mm, e la maxim pluvoza monato esas januaro, kun mezavalore 135 mm. La sika sezono iras de mayo til agosto.