Silvio Berlusconi
| Silvio Berlusconi | ||
| ||
Chefministro di  Italia
| ||
| Guvernisteso: | de 10 di mayo 1994 til 17 di januaro 1995 | |
| Precedanto: | Carlo Azeglio Ciampi | |
| Sucedanto: | Lamberto Dini | |
| Chefministro di Italia
| ||
| Guvernisteso: | de 11 di junio 2001 til 17 di mayo 2006 | |
| Precedanto: | Giuliano Amato | |
| Sucedanto: | Romano Prodi | |
| Chefministro di Italia
| ||
| Guvernisteso: | de 8 di mayo 2008 til 12 di novembro 2011 | |
| Precedanto: | Romano Prodi | |
| Sucedanto: | Mario Monti | |
| Personal informi | ||
| Naskodato: | 29 di septembro 1936 | |
| Naskoloko: | Milano, Italia | |
| Spozo: | Carla Dall'Oglio (1965–1985) Veronica Lario (1990–2010) | |
| Profesiono: | entraprezisto e politikisto | |
| Politikala partiso: | Forza Italia | |
Silvio Berlusconi (n. ye la 29 di septembro 1936 en Milano) esas Italiana politikisto surnomizita «Sua Emittenza».
Berlusconi divenis yuristo ye 1961 che l'universitato di Milano. Ilu fondis ye 1993 dextra partiso Forza Italia. Il esas chefministro di Italia ye 1994, de 2001 til 2006 e de 2008.
Ye 1975 Berlusconi fondis Fininvest-kompanio, qua havas tri televiziono-kanali ed editerio Mondadori, la maxim granda en Italia. Ye 1986 il kompris pedbalono-societo AC Milan. On dicas, ke il esas maxim richa Italiano. Altralatere il akuzesas pro korupto.
Berlusconi esas akuzita (inter altri) en sequanta litiji:
- Enkarcerigo por 2 yari e 4 monati pro ne-legala pekuniizo la partiso tra All Iberia kompanio ye 1991 til 1995. La verdikto esis abrogita pro ke la krimino esis ya tro anciena.
- Enkarcerigo por 2 yari e 9 monati pro korupto dil imposto-inspektisti ye 1989 til 1993. En plu supra tribunalo parto del akuzi esis abrogita e parto esis konsiderita kom tro anciena.
- Akuzo pro korupto per miliardo dolari ye 1989 til 1996. L’ akuzo esis abrogita ye februaro 2003, pro ke on konsideris ol kom tro anciena.
- Verdikto a 1 yaro e 4 monati pro falsigo di la bilanco dum kompro di la cinemo-kompanio Medusa. La verdikto esis abrogita ye 2000.
- Akuzo pro falsigo di la bilanco, kande AC Milan kompris pedbalonisti Gianluigi Lentini. Berlusconi esis konsiderita ye novembro 2002 kom ne-kulpanto.
- Akuzo pro korupto dum privatigo di SME-kompanio. On abandonis akuzo, kande la parlamento grantis a Berlusconi akuzo-protekto. La protekto esis abrogita ye 16 di aprilo 2004.
