Timo Sarpaneva

De Wikipedio
Timo Sarpaneva
Profesiono: dizignisto
Lando: Finlando
Naskodato: 31 di oktobro 1926
Nasko-loko: Helsinki
Mortodato: 2 di oktobro 2006
Morto-loko: Helsinki

Timo Tapani Sarpaneva (1926 til 2006)[1] esis Finlandana dizignisto. Sarpaneva esas internacionale valorata dizignisto e profesoro. Ilu konocesas maxim bone pro sua dizignado industriala.

Sarpaneva divenis grafikisto de Art-industriala lerneyo en 1948 e pos lo ilu laboris en Iittala-glasiferio kom chefa artisto. Lua unesma glaso-vari produktesis en 1952 por merkato. Internacionale ilu divenis konocata ganante Granda Prico en Milanoala Trienalo en 1954 pro lua kolekto di glaso-vari ed en 1957 pro l'arkitekturo expozala e pro lua artala ed omnadiala glaso-vari.

L'artala glaso-vari da Sarpaneva facinis mem dum la yari 1950a. Usana jurnalo House Beautiful nomizis Orkideo dal artisto kom la maxim bela varo en 1954.

La signo di Iittala-glasiferio naskis en 1956. La marko esas tre simpla: dika e blanka i-litero en reda rondo. La marko esas trovebla en omna produkturo di Iittala-glasiferio. Sarpaneva uzis ruda surfaco en multa lua produkturo, en drinkajo-glasi, en Festivo-kandeliero, en botelo di Finlandia-vodko, edc.

Sarpaneva uzis anke altra materiaji, exemple texuro, ligno, plastiko, porcelano, stalo e fero. La marmito da Sarpaneva esas duranta klasikajo en la Finlandana koqueyo. La glasaro da Sarpaneva selektesis por uzo en nova oficala lojeyo di la prezidanto di Finlando en 1992. Lua lasta 15 yari Sarpaneva kreis granda staturi artala ek glaso, quin on expozas en multa galerii.

Timo Sarpaneva esis laureato kun Finlandia-medalio en 1958. Kom profesoro ilu nominizesis en 1976. En 1993 ilu premiizesis per premio dil Arto di Finlando. Ilu esis multafoye honorizita ank exter Finlando.

Referi[redaktar | redaktar fonto]

Commons
Commons
Wikimedia Commons havas kontenajo relatante a: Timo Sarpaneva