Unesma batalio di Naktong
| Unesma batalio di Natkong | |||
| |||
| Usana soldati repozas proxim fluvio Natkong, ye la 19ma di agosto 1950. | |||
| Konflikto: | Milito di Korea | ||
| Dato: | de la 5ma til la 19ma di agosto 1950 | ||
| Loko: | proxim fluvio Natkong, Sud-Korea. | ||
| Rezulto: | Trupi dil Unionita Nacioni e rinforci Usana vinkis Nord-Koreani. | ||
Unionita Nacioni Usa
|
↔ |  Nord-Korea
| |
| John H. Church | ↔ | Lee Kwon Mu | |
| plu kam 20 mil soldati | ↔ | 7 mil soldati | |
| 600 morti 1200 vundita o kaptita |
↔ | 1200 morti 2300 vundita, kaptita o deserteri | |
L'unesma batalio di Naktong esis konfronto inter trupi di Unionita Nacioni e trupi di Nord-Korea dum la komenco di la milito di Korea, ed eventis de la 5ma til la 19ma di agosto 1950 proxim Yeongsan, komtio Changnyeong, e fluvio Naktong en Sud-Korea. Ol esis parto di la batalio dil perimetro di Busan, ed esis un ek multa importanta kombati qui eventis samatempe. La batalio esis vinkita da trupi del Unionita Nacioni, pos ke rinforci Usana destruktis atakema diviziono Nord-Koreana.[1]
Ye la 5ma di agosto, la 4ma Infantrio-Diviziono dil Popul-Armeo di Korea (KPA) trairis fluvio Naktong proxim Yongsan, probante interuptar provizuro-linei dil UN vers la nordo, ed obtenar protektika aceso a la perimetro di Busan.[2] Ol konfrontis la 24ma Infantrio-Diviziono del 8ma Armeo Usana. Dum la sequanta semani, eventis sangoza kombati inter Usana e Nord-Koreana trupi, qui produktis multa morti en serio di ataki e kontreataki, tamen nula flanko vinkis la batalio. Fine, Usana trupi rinforcita kun trupi portanta povoza armi, destruktis la trupi di KPA, qui ne povis avancar pro manko di provizuri e granda quanto di deserti.
La batalio modifikis la situaciono di la milito por KPA, qua ante vinkabis batalii pro havar plu multa soldati e plu bona equipuro. La trupi dil Unionita Nacioni aquiris plusa rinforci e plusa equipuri, inkluzite tanki M4 Sherman e povoza armi kapabla por vinkar Nord-Koreana tanki T-34.