Uzanto:DavidW/eventi3

De Wikipedio
Salti al navigilo Irez a serchilo
en historio
dum julio
50, 100 e 150 yari ante nun …


30 di julio 1971. La lunala modulo di Apollo 15 atingis la surfaco di la luno. Ol esis la quaresma misiono en qua homi atingis la luno. Dum ke Alfred Worden esis en orbito cirkum la satelito, David Scott e James Irwin pasis tri dii ye la surfaco. La misiono esis la unesma dum qua lunala vehilo esis utiligata; li kovris 27,9 km en ca vehilo. Dum tri exkursi, li pasis entote 18,5 hori exter la lunala modulo e kolektis 77 kg de specimeni.

3 di julio 1921. En Islando, l'Ordeno di la Falkono fondesis da Christian la 10ma, rejulo di Dania ed Islando, dum vizito en ta yaro. Kande Islando divenis republiko, nova statuti esis establisata por l'ordeno en 1941. Ol esas la unika ordeno di kavaliereso en Islando, ed ol havas kin klasi. Ol grantesas ad Islandano o civitano di altra lando, pro prodajo en Islando od internacione. Recevinti inkluzas Vigdís Finnbogadóttir, Björk Guðmundsdóttir, Victor Borge, Albert la 2ma di Belgia e Juan Carlos la 1ma di Hispania.

18 di julio 1871. En Torino naskis la piktisto Giacomo Balla, filiulo di fotografisto. Il studiis piktado ye l'universitato di Torino. De 1895 il rezidis en Roma, ube il produktis ilustruri, karikaturi e portreti. En 1899 ilua pikturi esis unesmafoye expozata en Venezia, e dum sequanta yari ilua verki esis vidata ye important expozala eventi en Europa. Influita da Filippo Tommaso Marinetti, il sustenis futurismo; en 1910 il esis signatinto di la publiko deklaro di futurismo. De ca tempo il kreis pikturi en la nova stilo, qui donis impreso di lukto, movado e rapideso.