William Boyce

De Wikipedio
Jump to navigation Jump to search
William Boyce
Boyce2.png
Profesiono: kompozisto
Lando: Flag of the United Kingdom.svg Unionita Rejio
Naskodato: 11 di septembro 1711
Nasko-loko: London, Anglia
Mortodato: 7 di februaro 1779
Morto-loko: London, Anglia

William Boyce (1711 til 1779) esis Britaniana kompozisto.

En Anglia dum la mez-18ma yarcento, kande Georg Friedrich Händel esis maxim eminenta kompozisto, Boyce anke esis notinda.

Dum lua yuneso, il esis membro di la koro ye la katedralo di Santa Paulus en London. Il pose esis orgenisto di diversa kirki en London, e kompozisto por la Rejala Kapelo. En 1755 il nominesis kom maestro di la muzik-trupo di la rejo.

Il kompozis multa ekleziala muziko, e muziko por rejala okazioni.

Nuntempe il esas maxim konocata pro lua ok simfonii, qui aparis kom kolektajo en 1760. Oli omni esas kurta, segun la kustumo di la tempo; singla simfonio havas dureso min kam dek minuti.

Multo de la muziko prenesis da la kompozisto de sua plu frua peci skribita kom rejala odi, o por teatro.