Zürich

De Wikipedio
Irez a navigado Irez a serchilo
Zürich
City of Zürich.jpg
Kelk imaji pri Zürich
Flag of Canton of Zürich.svg Wappen Zürich matt.svg
Standardo Blazono
Lando: Flag of Switzerland.svg Suisia
Regiono: Kantono Zürich
Informo:
Latitudo: 47°22'N
Longitudo: 8°33'E
Altitudo: 408 m
Surfaco: 87,88 km²
Habitanti: 415 215 (2018)
Denseso di habitantaro: 4700 hab./km²
Horala zono: UTC+1:00
(UTC+2:00 dum la somero)
Urbestro: Corine Mauch (SPS/PSS)
Mapo di Zürich

Zürich esas la maxim populoza urbo di Suisia. Segun statistiki de 2018, ol havis 415 215 habitanti. Lua tota surfaco esas 87,88 km². Ol esas chef-urbo di la kantono samnoma.

Geografio[redaktar | redaktar fonto]

Rivero Limmat en Zürich.

La reliefo di Zürich esas plana an la valo dil rivero Limmat, la zono maxim habitata dil urbo. Ca plana areo esas larja de du o tri kilometri. L'areo dil urbo inkluzas regioni di Suisa platajo. Limmat fluas de la lago Zürich sude adnordweste.. Lua mezavalora altitudo esas 408 metri sur la marala nivelo.

Segun la klasifikuro uzata, la klimato di Zürich povas judikesar kom oceanala (Cfb, segun la klimatala klasifikuro da Köppen, od humida kontinentala (Dfb) en alta regioni. Amba klimati havas quar sezoni klare definita e varma someri. Vento Föhn anke havas kelka impakto en la klimato di Zürich. Lua mezavalora temperaturo yarala esas 9,3°C. En januaro (vintro) la minima mezavalora temperaturo esas -2°C, kontre ke en julio la maxima mezavalora temperaturo esas 24°C

La mezavalora yarala pluvo-quanto dil urbo esas 1134 milimetri. Ne existas sezono komplete sika en la urbo, tamen la maxim pluvoza epoko iras de mayo til septembro. Ordinare nivas de novembro til marto o komenco di aprilo. Februaro esas la maxim nivoza monato, kande la nivo-quanto povas atingar 22 centimetri.