Damascus

De Wikipedio
Irez ad: pilotado, serchez
Damascus
Flag of Damascus.png Damascus-Seal.jpg
Lando Flag of Syria.svg Siria
Latitudo 33º30'47"N
Longitudo 36º17'31" E
Altitudo 690 metri
Surfaco 77 km²
Habitanti 1,834,741 (2010)
Lojanto-denseso 23,827.8 hab./km²
Horala zono UTC+2 (+3 dum somero)
Urbestro Bishr Al Sabban
Reto: http://http://www.damascus.gov.sy
Mapo
Mapo di Damascus

Damascus esas chef-urbo di Siria, e la 2ma maxim granda urbo di lando, pos Aleppo. Lua metropolal areo havas plu kam 2.4 milioni lojanti.

La nomo dil urbo evas adminime 3000 yari. Ol forsan signifikas 'industrieyo'.

Historio[redaktar | edit source]

Damascus esas un di la maxim olda urbi dil mondo. Homi ja habitis la regiono cirkum la 7ma yarmilo aK. La regiono esis parto di Babilon imperio, ed esis konquestita da Alexandros la Magna dum 4ma yarcento aK. En 64 aK generalo Pompeius Magnus anexis ol por Roman imperio.

L'urbo esis konsiderita importanta por Romani. Segun la Nova Testamento, dum voyajo vers Damascus Paulus vidis Iesu Kristo. En 222 imperiestro Septimius Severus transformis la regiono en kolonio.

En 635 generalo Khalid ibn al-Walid konquestis l'urbo. Lia sucedanto, al-Walid, komencis en 706 la konstrukturo di la granda moskeo. Turki arivis dum 11ma yarcento, ed Otomani okupis ol en 1516 e mantenis ol por cirkum 4 yarcenti. En 1867 misionero E. C. Miller kalkulis ke l'urbo havis cirkum 140,000 lojanti di qui 30,000 esis kristani, 10,000 judi e 100,000 esis islamani.

Pos fino di unesma mondomilito Francia okupis Siria. En 21 di junio 1943 militala forci de Unionita Rejio e de Libera Francia kaptis l'urbo de Vichy Francia. Kande Siria divenis komplete nedependanta en 1946 Damascus divenis chef-urbo di lando.