Fernão de Magalhães

De Wikipedio
Irez ad: pilotado, serchez
Fernão de Magalhães
Hernando de Magallanes del museo Madrid.jpg
Profesiono: navigisto
Lando: Flag of Spain.svg Hispania
Nasko-dio: 1470
Nasko-loko: Sabrosa, Portugal
Morto-dio: 27 di aprilo 1521
Morto-loko: Cebu, Filipini

Fernão de Magalhães (Hispane Fernando de Magallanes, Angle Ferdinand Magellan) (n. 1470, m. 1521) esis Portugalana navigisto qua deskovris la paseyo inter Atlantiko e Pacifiko. Nuntempe ol esas nomizita la "Stretajo di Magalhães".

Magalhães naskis ye 1470 en Sabrosa, Portugal, kom membro di nobela familio. En 1510 il esis promocata kom kapitano. En 1513, kande il esis en-garnizonigata en Maroko, il esis vundata ed esos kripla dum sua tota vivo. Il pregis la dinastio Portugalana por pekunio-subvencio. Kande ca esis refuzata, il preterlasis sua nacionaleso ed ofris sua servado a la Hispana rejo.

Magalhães konvinkis la Hispana rejo por financizar expediciono naviganta adweste por serchar nova voyo a Fora-Oriento. Hispania precipue aceptis ilua propozo pro ke la Portugalani dominacis la voyo estala ad India. Magalhães foriris kun kin navi de Sanlucar de Barrameda ye 20 di septembro 1519 por projetata voyajo a la Spico-insuli per westala voyo. Il atingis l'estuario di Plata fluvio (Río de la Plata) (en nuna Arjentinia) ye 31 di marto 1520.

Ibe il esis ankragata dum sis monati. Il transvivis rebelesko e segliris adsude e deskovris marostretajo sud-Patagonia. Pos ke un navo naufrajis ed un desertis, ye 28 di novembro restis tri navi, qui transvivis la voyajo. Pos 38 dii il atingis l’oceano, quan il nomizis Pacifiko pro la kalmeso di la maro.

Dum la pasajo di Pacifiko Magalhães anke deskovris Mariani e Filipini. En la Filipini Magalhães amikeskis kun ula lokala tribuo, qua esis militema kontre altra tribuo. Ye 7 di aprilo il atingis Cebu ube il helpis la regno lokala kun ilua batalio kontre la regno di Mactan. Magalhães ocidesis ye 27 di aprilo 1521 kande il ed ilua trupo partoprenis asalto kontre l’altra tribuo.

La du restanta navi portante plura tuni de spici atingis, guidata da Juan Sebastián Elcano, ye 6 di septembro 1522 a Hispana urbo Sevilla, pos voyajo cirkum la mondo.