Funk

De Wikipedio
Irez ad: pilotado, serchez
James Brown, un di kreinti di Funk.

Funk esas muzikala jenro qua originis pos duimo di 1960a yari en Usa kande Afrikan-Usana muzikisti kunfuzis "soul", jazo e R&B en ritmoza e dansebla nova formo di muziko. "Funk" diminutis l'emfazo di melodio e harmonio, ed augmentis l'importo di perkuto e di kontrabaso od elektrala baso. La muziki "funk" generale bazesas en longa e repetata harmonio.

"Funk" muziki generale uzas elektrala gitaro, elektrala baso, Hammond orgeni e tamburi, qua pleas akrochanta ritmi. "Funk" kelkafoye havas sufl-instrumenti, kom saxofoni, trumpeti od altra.

George Clinton e Parliament-Funkadelic en 2006.

James Brown (kun "Out of Sight" en 1964 e "Papa's Got a Brand New Bag" en 1965), e Sly & The Family Stone (kun "Thenk You" e "Family Affair" en 1971) konsideresas pioniri di ta jenro. Multa jazo-muzikisti, exemple la trombonisto Fred Wesley e la saxofonisto Meceo Parker divenis notora funk-muzikisti e pleis kun James Brown, George Clinton e Prince.

Dum 1970a yari aparis la grupi Funkadelic e Parliament (la du, kreita da George Clinton, pose kunfuzis en Parliament-Funkadelic), Rufus & Chaka Khan, The Isley Brothers, Ohio Players, Con Funk Shun, Kool & The Gang, Brass Construction ed altra, e jenro ganis populareso. Anke dum la 1970a yari, kelka muzikisti kunfuzis funk e jazo, e kreis "jazz funk", exemple Herbie Hencock e Miles Davis.

Multa funk-bandi anke pleis Disco e soul. Funk originis "funk-rock" (exemple, la muziki de Red Hot Chili Peppers, "boogie" (anke konocita kom "electro-funk"), "funk metal" (exemple la bando Living Colour), "G-Funk" (mixuro di "gangsta rap" e funk), "timba" (formo di Kubana muziko) e "funk jam". Mikra parti de funk-muziki uzesis en diversa muzikala jenri, exemple hip hop, house-muziko, e "dum-and-bass".

Etimologio[redaktar | edit source]

La vorto funk komence signifikis "forta odoro". Ol originis de latina fumigare ("fumar"). Segun historiisto Robert Farris Thompson en lia libro Flash Of The Spirit: African & Afro-American Art & Philosophy, jazz-muzikisti usis ta vorto por laudar kelka personi por lua "integra, autentika" verko.