Funk

De Wikipedio
Irez ad: pilotado, serchez
James Brown, un di kreinti di Funk.

Funk esas muzikala jenro qua originis pos duimo di 1960a yari en Usa kande Afrikan-Amerikana muzikisti kunfuzis "soul", jazo e R&B en ritmoza e dansebla nova formo di muziko. "Funk" diminutas l'emfazo di melodio e harmonio, ed augmentas l'importo di perkuto e di kontrabaso od elektrala baso. La muziki "funk" generale esas bazata en longa e repetata harmonio.

"Funk" muziki generale uzas elektrala gitaro, elektrala baso, Hammond orgeni e tamburi, qua pleas akrochanta ritmi. "Funk" kelkafoye havas sufl-instrumenti, kom saxofoni, trumpeti od altra.

James Brown (kun "Out of Sight" ye 1964 e "Papa's Got a Brand New Bag" ye 1965), e Sly & The Family Stone (kun "Thenk You" e "Family Affair" ye 1971) esas konsiderata pioniri di ta jenro. Dum 1970a yari aparis grupi kom Funkadelic e Parliament (kreita da George Clinton), Rufus & Chaka Khan, The Isley Brothers, Ohio Players, Confunkshun, Kool & The Gang, Brass Construction ed altra, e jenro ganis populareso.