Georges Simenon

De Wikipedio
Irez ad: pilotado, serchez
Georges Joseph Christian Simenon
Georges Simenon (1963) without hat by Erling Mandelmann.jpg
Profesiono: autoro
Lando: Flag of Belgium.svg Belgia
Nasko-dio: 13 di februaro 1903
Nasko-loko: Liège, Belgia
Morto-dio: 4 di septembro 1989
Morto-loko: Lausanne, Suisia

Georges Simenon (1903 til 1989) esis Belgian autorulo.

Il pasas sua yuneso en Liège. Evanta 15 yari Georges livas skolo por laborar a 'Gazette de Liège'. Il artiklifis pri temi diversa e il skribas diala jurnalo-kolumno. Samtempe il probas romanifar; en 1921 aparas, ye la pseudonimo G. Sim, lua unesma libreto Au Pont des Arches. Decembro 1922 il, kun sua spozino Régine Renchon, livas Liège ed iras a Paris ube il publikigas inter 1923 e 1933 ye diversa pseudonimi preske 1000 rakonti e proxime 200 romaneti. Kom seglero fanatika il pasas multa tempo surmare e sur riveri e kanali Europala. En 1929 il kreas dum restado en l'urbeto Delfzijl (Nederlando) la personajo Maigret, policestro en Paris. La parisana policisto es tre populara ed entote 72 romani pri Maigret aparas, la lasta ye 1972. Balde Simenon es kapabla alternar la suceso di Maigret kun romani psikologiala; il verkifas entote 117 de ica romani. Ilua verko tradukesas en plu kam 60 lingui e multa romani filmagesas, mem se lua universo es relate statikala. On evaluas ke entote duima miliardo (500.000.000) libri imprimesis.

Dum ke il romanifas, Simenon es survoya permanente. Ye 1938 il vivas proxim la Rochelle. De junio til septembro 1940 il responsas pri belgiani refujanti. Ye 1945 il livas Francia e voyajas tra Amerika ube il renkontras Denyse Ouimet. Il engajas el kom sekretario, pose el anke divenas ilua amoranto e tandem ilua duesma spozino. Il ja livas Usa en 1955 e retrovenas a Francia ube il sejornas en Paris e ye la franca sud-litoro ante ke il definitive foriras a Suisia. Balde Denyse livas il e lia servisto Teresa Sburelin remplasas el kom vivo-kompano di Simenon. Autune 1972 Simenon anuncas oficale ke il retretas, il ne plu publikigas romani ma il ankore ya diktas sua memoraji qui publikigesas en 22 tomi.

En 1981 ankore aparas ilua Mémoires Intimes qua deskriptas ilua vivo-stilo komplexa. Georges Simenon mortas, evanta 86 yari, ye 4 di septembro 1989 en ilua domo en Lausanne.