Kalevi Sorsa

De Wikipedio
Irez ad: pilotado, serchez
Taisto Kalevi Sorsa
Kalevi Sorsa.jpg

Chefministro di Flag of Finland.svg Finlando
Periodo di guvernerio: de 4 di septembro 1972 til 16 di junio 1975
Precedanto: Rafael Paasio
Sucedanto: Keijo Liinamaa

Chefministro di Flag of Finland.svg Finlando
Periodo di guvernerio: de 15 di mayo 197 til 26 di mayo 1979
Precedanto: Martti Miettunen
Sucedanto: Mauno Koivisto

Chefministro di Flag of Finland.svg Finlando
Periodo di guvernerio: de 19 di februaro 1982 til 30 di aprilo 1987
Precedanto: Mauno Koivisto
Sucedanto: Harri Holkeri

Personal informi
Nasko-dio: 21 di decembro 1930
Nasko-loko: Keuruu, Finlando
Morto-dio: 16 di januaro 2004
Morto-loko: Helsinki, Finlando
Spozo: Irene Sorsa
Profesiono: Politikisto, docanto

Taisto Kalevi Sorsa ye 21 di decembro 1930 til 16 di januaro 2004. Il esis maxim longe kom chefministro en Finlando, entote quarfoye.

Kalevi Sorsa naskis en Haapamäki, centra Finlando, ma il frequentis skolo en Jyväskylä e Lappeenranta. Il studiis en Tampere che Sociala Alta-skolo e divenis jurnalisto ye 1957. Laureato en sociala cienci il divenis ye 1963, kande il ya laboris en Paris.

Ye 1949 Sorsa praktikis kom jurnalisto en “Kansan Työ” (‘La Laboro dil Populo’). L’ unesma texto da Sorsa publikigesis en “Työläisnuoriso” (‘La Laboristo-yunaro’) ye 1951 pri lua longa turo kun amiko en Europa. (Pos la milito kontakti kun exterlandi esis rara.)

L’ aktiva yun-unionisti laboris en multa jurnali socialdemokrata. Ye 1952 ilu nominesis la redaktisto di “Työläisnuoriso”, qua balde chanjis lua nomo a “Vihuri” (‘Burasko’). Ye 1954 Sorsa divenis la chefredaktisto. Il esis la unesma jurnalisto, qua interviuvis autoro Väinö Linna pos la publikigo di “La nekonocita Soldato”.

Kalevi Sorsa ed Irene Lääkäri mariajis ye 1953. Li vivis en Helsinki, ma ye 1959 Sorsa nominesis al ofico dil UNESCO. La gespozi habitis Paris de 1959 til 1965. Retroveninte a Finlando Sorsa sempre laboris che UNESCO, nun kom chefsekretario dil UNESCO-delegitaro en Finlando.

Ye 1960a yari en la Socialdemokrata Partiso esis interna konflikti, ed on bezonis nova fizionomo che la partiso. Ye 1969 Sorsa partoprenis partisala kunveno en Turku. Il elektesis partiso-sekretario, pro ke il ne perdabis sua reputeso dum la konflikti. Lua empiriko pri exter-landi e linguala saveso esis avantajo.

Ye 1970 Sorsa elektesis a parlamento per la maxim granda quanto de voti en la Socialdemokrata Partiso. Ye 1972 Sorsa divenis ministro dil exterlandal aferi, e pos kelka monati il formacis lua unesma rejimo. Anke Urho Kekkonen, la prezidanto, suportis la nova politikisto.

La rejimo laboris plu kam mil dii. Tatempe la prezidanteso di Kekkonen prolongesis per specala lego, Finlando kontratis kun EEC e ligis diplomatala kontakti kun amba Germanii (West-Germania ed Est-Germania). Sociala sekureso kreskis en la lando.

Ye 1975 Sorsa divenis prezidanto dil Socialdemokrata Partiso. Sorsa translacis la partiso adsinistre e parolis, exemple, pri socialigo di banki. Tamen balde il divenis nove moderanta. Omna partisi serchis koncilio en politiko.

En la fino di 1970a yari Sorsa nominesis unesme kom membro desarmizo-grupo e pose kom membro di prezidantaro di Socialista Internacionalo. Ibe laboris anke kun Olof Palme, Bruno Kreisky e François Mitterrand.

Certene Sorsa pensis partoprenar prezidental elekto en Finlando, ma altra politikisti che la Socialdemokrata Partiso esis plu populara. Kom prezidanto di Finlando elektesis de la Socialdemokrata Partiso unesme Mauno Koivisto, pose Martti Ahtisaari e Tarja Halonen. La momento di Kalevi Sorsa pasis ed il mortis pro kancero.

Precedanto
Rafael Paasio
Chefministro di Finlando
1972 til 1975
Sucedanto
Keijo Liinamaa
Precedanto
Martti Miettunen
Chefministro di Finlando
1977 til 1979
Sucedanto
Mauno Koivisto
Precedanto
Mauno Koivisto
Chefministro di Finlando
1982 til 1987
Sucedanto
Harri Holkeri