Kontrato pri Libera Komerco di Nord-Amerika

De Wikipedio
Irez ad: pilotado, serchez
Landi partoprenanta en la Kontrato pri libera Komerco di Nord-Amerika: Kanada, Usa e Mexikia.

La Kontrato pri libera Komerco di Nord-Amerika (en Angliana North American Free Trade Agreement - NAFTA; en Hispaniana Tratado de Libre Comercio de América del Norte - TLCAN o TLC; en Franciana Accord de libre-échange nord-américain - ALÉNA) esas kontrato signatita da guverni di Usa, Kanada e Mexikia por krear komercala uniono en Nord-Amerika. Ol sucedis pakto inter Kanada ek Usa por libera komerco inter la du landi.

De sinistra til dextra, dop en l'imajo: Carlos Salinas (Mexikia), George H. W. Bush (Usa) e Brian Mulroney (Kanada) en San Antonio, Texas, 17 di decembro 1992.

La kontrato esis signita en l'urbo di San Antonio, Texas ye 17 di decembro 1992 da Usana prezidisto George H. W. Bush, Kanadana chefa ministro Brian Mulroney e Mexikiana prezidisto Carlos Salinas de Gortari, por funcionar pos 1 di januaro 1994. La kontrato pri libera komerco kreis komercala uniono kun plu kam 21 milioni km² di surfaco, e plu kam 450 milioni lojanti ye 2010. Lua KLP esis $ 16 792 miliardi ye 2009.

La skopo di NAFTA/TLC/ALÉNA esis eliminar barili en komerco e kolokado inter la 3 landi. Kande ol efikeskis, ye 1 di januaro 1994, dogano-taxi desaparis en duima di Mexikiana produkti exportacita ad Usa, ed en 1/3 di Usana produkti exportacita a Mexikia. Pos 10 yari, tota dogano-taxi inter le 3 membri mustus esar eliminita, ecepte por kelka agrokultivala produkti, qua demandis 15 yari por eliminar tote lua barili.

L'oficala lingui por publikar le dokumenti pri la kontrato esas 3: Angliana, Hispaniana e Franciana.