Krucomilito

De Wikipedio
Irez ad: pilotado, serchez
Gramatikala revizo bezonata

Kruco-milito esis milito per quo west-Europana Kristani entraprezis liberigar Palestina de Islamani dum 11ma, 12ma e 13ma yarcento. Motivo por krucomiliti esis en rezurektanta entuziasmo ekleziala, volo di noblaro por aventuro ed en ekonomikala problemi di stati. Pilgrimo-voyaji a Santa Lando esis dum mezal epoko frequa, ma kande Seldjuki konquestis ye 1070 Palestina, Islamani komencis persekutar pilgrimeri. Cezaro di Est-Roma Alexios 1ma pregis helpo de west-Europani kontre Seldjuki, e pro to ye 1095 papo Urbanus 2ma sugestis en sinodo, en Clermont, ekirar a milito (kampaniar?) pro liberigar Santa Tombo en Palestina. Dum yarcenti on igis multa krucala kampanii. La skopo di militi ne esis obtenita e Palestina esis sub regno di Islamani multa yarcenti. Ye 1291 lasta loko di Kristani en Palestina, Akkon, falis en manui di Islamani.

En Nordeyo Suedia igis nemulta milital expedicioni a Finlando dum 12ma e 13ma yarcento. Anke ca expedicioni esas nomizata kruco-militi pro ke papo sugestis Kristana reji di Suedia forsante konvertar pagana tribui en Finlando e Baltia. Vere oli esis nur konquesto-militi.

Krucomilito di vulgara homi[redaktar | edit source]

1096. Vulgara homi ekiris a Minor-Azia.

Unesma krucomilito[redaktar | edit source]

10961099. Krucomiliteri konquestis Jerusalem ye 1099.

Duesma krucomilito[redaktar | edit source]

11471149. Krucomiliteri sukombis e retrovenis heme.

Triesma krucomilito[redaktar | edit source]

11891192. Krucomiliteri konquestis Akkon 1191.

Quaresma krucomilito[redaktar | edit source]

12021204. Krucomiliteri konquestis e raptis Konstantinoplo.

Krucomilito di filii[redaktar | edit source]

1212. Mili de filii ekiris de Francia e Germania. Parto mortis sur voyo e parto falis en manui di pirati qui vendis filii kom sklavi.

Kinesma krucomilito[redaktar | edit source]

12281229 rejo di Germania Fredrik 2ma sucesis e divenis rejo di Jerusalem. Ultempe anke ca nesucezoza kampanii esas konsiderata kom parto di kinesma krucomilito: 12171218 rejo di Hungaria András 2ma militis en Siria sen ula vinko. 12181222 krucomiliteri atakis Egiptia sen ula vinko.

Sisesma krucomilito[redaktar | edit source]

12481254 rejo di Francia Louis 9ma la Santa kampaniis. Il esis kaptita en Egiptia.

Sepesma krucomilito[redaktar | edit source]

1270 rejo di Francia Louis 9ma la Santa ekiris a Tunisia. Ube granda parto di krucomiliteri mortis pro pesto.