Amazon

De Wikipedio
Irez ad: pilotado, serchez
La fluvio Amazon naskas en la monto Nevado Mismi, proxim Arequipa, Peru, a 5.170 metri di altitudo.

Amazon esas longa Sud-Amerikana fluvio qua naskas en la montaro Andi, en Peru, ed ekfluas este, en l'oceano Atlantiko, pos trairar la norda regiono di Brazilia. La fluvio esas 6.400 km longa. Ol formacas la maxim vasta e richa ekologiala sistemo del mondo.

Mapo pri la fluviala baseno di Amazon.

Amazon havas la maxim granda fluviala baseno del mondo. Ol kontenas 20% de la sensala aquo del mondo. Dum unika dio ekfluas de Amazon la sama quanto di aquo kam ekfluas de Thames (en Anglia) dum un yaro. On povas trovar sensala aquo mem en disto di 250 km de la rivo, en Atlantiko.

En 1500 Vicente Yañez Pinzón divenis l'unesma Europano qua navigis en Amazon. Ilu baptis ol "Río Santa María de la Mar Dulce" (Fluvio Santo Maria di Dolca Maro). Portugalani baptis ol "Amazonas" (Amazon) kande li observis indijena mulieri proxim lua rivo, e memorigis la mitologiala mulieri del Anciena Grekia.