Aquobarilo Itaipu

De Wikipedio
Salti al navigilo Salti al serĉilo
Aeral imajo pri aquobarilo Itaipu.

Aquobarilo Itaipu esas aquobarilo konstruktita de 1975 til 1982 da Brazilia e Paraguay por furnisar elektro a la du landi. Nune ol havas la maxim granda kapaceso por furnisar elektro en la mondo: 14 GW, kun 20 turbini.

La rezervuyo dil aquobarilo kovras 1 350 km² de Foz do Iguaçu en Brazilia e Ciudad del Este en Paraguay til Guaíra (Brazilia) e Salto del Guairá (Paraguay), 150 km norde de l'aquobarilo. Por konstruktar l'aquobarilo, l'aquofalo di Sete Quedas, en fluvio Paraná, tote desaparis, submersita da la rezervuyo. Por konstruktar la rezervuyo e l'aquobarilo 40,000 laboristi laboris direte. La quanto de betono uzita esus suficanta por konstruktar 210 futbal-stadii equivalanta Maracanã en Rio de Janeiro. La quanto de stalo uzita esus suficanta por konstrukar 380 turmi Eiffel.

L'aquobarilo furnisas 90% di l'elektro konsumata en Paraguay e 17% de l'elektro konsumata en Brazilia. Quankam ol recevas duimo di l'energio di Itaipu, Paraguay konsumas poka e vendas la restanta a Brazilia. La binacion firmo Itaipu Binacional responsas pri administrar la produktajo e vendar l'energio produktita en Itaipu a la du landi.