Arno Hintjes
| Arno Hintjes | ||
 | ||
| Profesiono: | kantisto, rok-muzikanto | |
| Lando: |  Belgia
| |
| Naskodato: | 21 di mayo 1949 | |
| Nasko-loko: | Oostende | |
| Mortodato: | 23 di aprilo 2022 | |
| Morto-loko: | Bruxel | |
| Retoloko: | http://www.arno.be | |
Arnold Charles Ernest Hintjens, konocata per sua nomo di artisto Arno Hintjes (pron.: arno hinches), esis Belgiana kantisto di rok-muziko, qua precipue kantis en la Franca, kelkafoye en l'Angla, Nederlandan e tre poke en la dialekto di Oostende.
En 1970 il komencis plear bok-harmoniko en la bando Freckleface. La bando pleis bluso, ma ne havis multa suceso. En 1972 il kontinuis kom duo kun bas-gitaro di Freckleface, Paul Decoutere. Li nomizis su Tjens Couter.
En 1980 esis la tra-rupto di Arno Hintjes kun la bando T.C. Matic. La grupo produktis quar LP-diski. La grupo turniris tra Europa. Li havis sucesi kun la kansoni Ho la la la; Que Pasa e Putain Putain, kansoni qui ofte pleesis dum koncerti. Pos sis yari la T.C. Matic cesis existar.
Arno komencis solo-kariero. Inicie il kantis en l'Angla, kelkafoye en la Franca. Nur kande il publikigis disko komplete kantit en la Franca, il havis suceso en Francia. Franca kansoni nun esis granda parto di ilua repertorio.
En 2019 kancero di pankreato konstatesis. En 2022 il ankore registragis disko, ma ne plu vivis kande ol publikigesis. La disko, Opex, atingis numero un en la vendolisti di Belgia.