Bariloche
| San Carlos de Bariloche | ||
| ||
| Katedralo di Bariloche e lago Nahuel Huapi. | ||
| Lando: |  Arjentinia
| |
| Provinco: | Río Negro | |
Informo:
| ||
| Fondita ye: | 3ma di mayo 1902 | |
| Latitudo: | 41°08'37" S | |
| Longitudo: | 71°17'27" W | |
| Altitudo: | 1042[1] m | |
| Surfaco: | 220,3 km² | |
| Habitanti: | 146 000 (2022) | |
| Denseso di habitantaro: | 387,42 hab./km² | |
| Disto de Buenos Aires: | 1570,5[2] km | |
| Horala zono: | UTC-3 | |
| Urbestro: | Walter Cortés | |
 • San Carlos de Bariloche | ||
Oficala retosituo:
| ||
| www.bariloche.gov.ar | ||
.jpg)
San Carlos de Bariloche, maxim konocata nur kom Bariloche, esas urbo en provinco Río Negro, en Arjentinia, jacanta apud lago Nahuel Huapi. Segun la demografiala kontado di 2010, ol havis 108 205 habitanti. Lua tota surfaco esas 220,3 km². Ol distas 1550 km de Buenos Aires, e 832 km de Viedma, chef-urbo di la provinco.
Pos la yari 1930a e 1940a, Bariloche divenis importanta turistala centro, nome por praktikanti di skio e montoacensado. Ol distas 1550 km de Buenos Aires per choseo. Nun ol judikesas kom havanta la 2ma maxim bona vivo-qualeso di Arjentinia, pro la bone konservata loki naturala cirkum ol, sua diversa ekonomial agadi e la sekureso. Kelka fonti judikas ol kom la 2ma maxim importanta destino por praktikanti di skio en la mondo.
En la urbo situesas l'Atomala Centro di Bariloche (Hispane Centro Atómico de Bariloche) e du universitati, la Nacional Universitato di Rio Negro (Universidad Nacional de Río Negro) e la Nacional Universitato di Comahue (Universidad Nacional del Comahue).
Geografio
[redaktar | redaktar fonto]
La reliefo di Bariloche esas plana en la regioni proxim lago Nahuel Huapi, inkluzite lua centrala quartero, e kolinoza en kelka quarteri. L'urbo cirkondesas da alta monti. Lua mezavalora altitudo esas 1042 metri, e lua maxim alta punto esas Cerro Tronador, kun 2348 metri super la marala nivelo[1]. La maxim basa punti jacas 756 metri super la marala nivelo, apud lagi Nahuel Huapi e Gutiérrez.
La klimato di Bariloche esas Mediteranea oceanala (Csb segun la klimatala klasifikuro da Köppen). La someri esas kurta, ventoza e sika, kontre la vintri esas pluvoza e mem nivoza. La mezavalora temperaturo en julio (vintro) esas 2,2°C, kontre ke la mezavalora temperaturo en januaro (somero) esas 14,4°C. Ye la 16ma di julio 2017, enrejistresis la maxim basa temperaturo di la historio dil urbo, -25,4 °C, kun sento termala di -29°C.
La mezavalora yarala pluvo-quanto dil urbo esas 662,5 mm La pluvoza sezono iras de la fino di mayo til agosto. La maxim pluvoza monato esas julio, kun mezavalore 140,2 mm. L'altitudo influas en la klimato: mezavalore, la temperaturi diminutas per 6°C kande l'altitudo augmentas 1000 metri.
Referi
[redaktar | redaktar fonto]
- ↑ 1,0 1,1 Mapa topográfico de Bariloche, altitude, relevo - URL vidita ye 15ma di aprilo 2025. Idiomo: Portugalana.
- ↑ https://www.rome2rio.com/pt/s/Buenos-Aires/Bariloche