Batalio di Bataan

De Wikipedio
Salti al navigilo Irez a serchilo
batalio di Bataan
Philippine Islands Jap tanks full.gif
Japoniana tanki avancas en la peninsulo Bataan.
Konflikto: duesma mondomilito
Dato: de la 7ma di januaro til la 9ma di aprilo 1942
Loko: peninsulo Bataan, Filipini
Rezulto: Japoniana vinko.
Militanti
Flag of the United States.svg Usa
Flag of the Philippines.svg Filipini
Flag of Japan.svg Japonia
Komanderi
Douglas MacArthur, Jonathan Mayhew Wainwright IV, Vicente Lim ed altri Masaharu Homma
Susumu Morioka
Kineo Kitajima
Kameichiro Nagano
Trupi/equipuri
120 000 Usani e Filipinani 75 000
Perdaji
106 000, di qui 10 000 morti, 20 000 vunditi e 76 000 militala kaptiti 8 406 til 22 250, di qui 3 107 morti, 230 desaparinta e 5 609 vunditi

La batalio di Bataan (Filipinane: Labanan sa Bataan) esis batalio de la Duesma mondomilito inter Usa e la komunitato di Filipini kontre Japonian imperio, qua eventis de la 7ma di januaro til la 9ma di aprilo 1942. To esis la maxim intensa fazo dil invado di Filipini. En januaro 1942, pos la bombardo di la navala bazo Usana en Pearl Harbor, trupi del armeo e de la mar-armeo imperiala Japoniana invadis Luzon ed altra insuli del arkipelago Filipinana.

La chef-komandero di omna trupi Usana e Filipinana en l'insuli, generalo Douglas MacArthur, asemblis che la peninsulo Bataan omna trupi lokizita en Luzon, por luktar kontre Japonian armeo. Dum ta epoko, Japoniani já kontrolis preske tota sud-estal Azia. La peninsulo Bataan e l'insulo Corregidor esis la restanta teritorii de la Federiti en la regiono.

Malgre la manko di provizuri, Usana e Filipinana trupi povis luktar kontre Japoniani dum tri monati, e bataliis kontre li dum retreto sude. La kombato kontre rezistanta trupi Usana e Filipinana kustis precoza tempo a la Japoniani, ed impedis lia vinko nemediata tra Pacifiko. La kapitulaco Usana en Bataan, kande 76 000 soldati kapitulacis ensemble a la Japoniani che Filipini,[1] esis la maxim granda kapitulaco en la militala historii de Usa e Filipini, ed esis la maxim granda kapitulaco pos la batalio di Harper's Ferry, dum l'Usana interna milito.[2] Balde pose, Usana e Filipinana militala kaptiti koaktesis marchar pedirante de 96 til 112 kilometri til Camp O'Donnell, ube li restis enkarcerigita.[3]

Referi[redaktar | redaktar fonto]

  1. (2005) The Philippines (Bataan) (1942). WETA.
  2. Robertson, Jr, James I. (1997). Stonewall Jackson: The Man, The Soldier, The Legend. - Stonewall Jackson: The Man, The Soldier, The Legend - (New York, NY) MacMillan Publishing.
  3. William L. O'Neill, A Democracy at War: America's Fight at Home and Abroad in World War II, p 115 ISBN 0-02-923678-9