Blumenau
| Blumenau | ||
| ||
| Fluvio Itajai-Açu e centro di Blumenau. | ||
|
| |
| Standardo | Blazono | |
| Lando: |  Brazilia
| |
| Stato: | Santa Catarina | |
Informo:
| ||
| Fondita ye: | 2ma di septembro 1850 | |
| Fondita da: | Hermann Bruno Otto Blumenau | |
| Latitudo: | 26°55'08"S | |
| Longitudo: | 49°03'57"W | |
| Altitudo: | 21 m | |
| Surfaco: | 519,8 km² | |
| Habitanti: | 361 261[1] (2022) | |
| Denseso di habitantaro: | 700 hab./km² | |
| Disto de Florianópolis: | 160 km | |
| Urbestro: | Mário Hildebrandt (2021 - 2024) (PODEMOS) | |
Mapo:
| ||
| ||
Oficala retosituo:
| ||
| https://www.blumenau.sc.gov.br | ||
Blumenau esas urbo este dil stato Santa Catarina, en Brazilia. Ol esas la 3ma maxim populoza urbo dil stato: segun la demografiala kontado di 2022, ol havis 361 261 habitanti[1]. Lua tota surfaco esas 519,8 km². L'urbo jacas apud fluvio Itajaí-Açu.
Blumenau fondesis ye la 2ma di septembro 1850 dal Germana apotekisto Hermann Bruno Otto Blumenau, qua arivis an la regiono kun altra 17 Germana enmigranti. L'urbo mantenas influi Germana en lua konstrukturi ed altr aspekti, exemple lua Oktoberfest, la 2ma maxim granda biro-festivalo de la mondo.
Lua ekonomio apogas su sur l'industrio - nome texuri ed informatikoprogrami - en komerco e servadi (nome saneso ed eduko) e kelka turistal atraktivi, nome lua Oktoberfest, altra lokala festi, e la Nacionala Parko Serra do Itajaí, qua prezervas cirkume 2,5% del anciena foresti qui kovrabis la litoro dil stato.
Geografio
[redaktar | redaktar fonto]
La reliefo di Blumenau esas basa ed inundebla proxim fluvio Itajaí-Açu, e kolinoza kelke distanta de ol. Lua mezavalora altitudo esas 21 metri, e lua maxim alta punto esas monto Spitzkopf, kun 980 metri super la marala nivelo.
La klimato di Blumenau esas humida subtropikala (Cfa segun la klimatala klasifikuro da Köppen). La mezavalora temperaturo en julio (vintro) esas 15,5°C, kontre ke la mezavalora temperaturo en januaro (somero) esas 24,5°C. Someri esas varma, e dum kelka dii la temperaturi povas atingar 40°C.
La mezavalora yarala pluvo-quanto dil urbo esas 1540 mm, e la maxim pluvoza monati esas januaro e februaro, kun mezavalore 187 mm e 190 mm, rispektive. Fluvio Itajaí-Açu efektigis serioza inundadi dum la historio dil urbo, exemple en 1983/1984, 2008 e 2011[2].
Referi
[redaktar | redaktar fonto]
- ↑ 1,0 1,1 População em Blumenau (SC) é de 361.261 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ Blumenau sofre a pior enchente dos últimos 20 anos - Publikigita da O Globo. Dato di publikigo: 9ma di septembro 2011. Idiomo: Portugalana.