Santa Catarina

De Wikipedio
Irez ad: pilotado, serchez
Santa Catarina
Bandeira de Santa Catarina.svg Brasão de Santa Catarina.svg
Chef-urbo Florianópolis
Maxim granda urbo Joinville
Brazil State SantaCatarina.svg
Totala surfaco 95,376.2 km²
Habitanti
Denseso di habitantaro
6,819,190 (2015)
71.23 hab./km²
Guberniestro Raimundo Colombo (PSD)
Posto-kodal abreviuro SC
Horala zono UTC-3
(UTC-2 dum somero)
KLP (yaro) R$ 197.47 miliardi (2013)
Reto www.sc.gov.br

Santa Catarina esas Braziliana stato di Suda regiono. Lua vicina stati esas:

En esto jacas Oceano Atlantiko, ed en westo jacas Arjentinia.

Bazala fakti pri Santa Catarina.

Historio[redaktar | edit source]

Ante l'arivo di Portugalani, indijeni Karijo, de raso Tupi, habitis la litoro. L'unesma Europani qui koloniigis la regiono esis Hispani, qui instalis su en l'insulo Santa Catarina en 1526. Navi qui navigis vers fluvio Plata stopis en la regiono por recevar provizuri.

En 1675 Portugalano Francisco Dias Velho fondis la vilajo Nossa Senhora do Desterro, nune Florianópolis, en l'insulo Santa Catarina. La vilajo divenis urbo en 1726. En 1696 fondesis l'urbo Laguna.

Florianópolis en 1847.

Inter 1748 e 1756 arivis en la regiono 5.000 enmigranti de Acori. Li recevis tereni por kultivar.

En 1775 fondesis l'urbo Lajes, fore la litoro. Pos Brazilia divenar nedependanta de Portugal, l'informo pri la nedependo nur arivis en Santa Catarina ye oktobro 1822. En 1839 la regiono proxim la frontiero kun Rio Grande do Sul recevis influo de la milito di Farrapos. De la 22ma di julio til la 15ma di novembro ta yaro l'urbo Laguna okupesis dal revolteri, qui proklamis ibe la Republiko Juliana, federita kun la "republiko di Piratini" (nune la stato Rio Grande do Sul).

De la komenco dil 19ma yarcento til la duimo dil 20ma yarcento, multa enmigranti Europana arivis en la provinco di Santa Catarina (pose stato), di qui la duimo (50%) esis de Germania od Austria.[1] La cetera venis de Italia, Polonia, Rusia, Ukraina, Nederlando, Norvegia, Suedia, Dania, Luxemburgia, Suisia, Lituania, Francia, Finlando, Kroatia, Slovenia e Latvia.[1]

Kun la republiko en Brazilia, la provinco di Santa Catarina divenis stato.

En 2004 la stato sufris l'efekti de l'unesma uragano del sudo di Atlantiko. La fenomeno baptesis uragano Catarina dal meteorologiisti.

Geografio[redaktar | edit source]

Ponto Hercílio Luz, en Florianópolis.
Topografiala mapo di Santa Catarina.

La chef-urbo dil stato, Florianópolis, jacas 1.539 km norde de Buenos Aires, 705 km sude de Sao Paulo, 1.144 km sude de Rio de Janeiro, e 1.673 km sude de Brasília. Ta facas de la stato strategiala punto meze di la komercala koridori de Mercosur. Du ek la maxim importanta chosei di Brazilia, BR-116 (de Jaguarão en Rio Grande do Sul til Fortaleza en Ceará) e BR-101 (de Santana do Livramento en Rio Grande do Sul til Touros, en Rio Grande do Norte), trairas Santa Catarina sude til norde.

Cirkum 77% del teritorio dil stato jacas super 300 metri di altitudo e 52% jacas super 600 metri. Lua maxim alta monto esas Morro Boa Vista, inter l'urbi di Urubici e Bom Retiro, kun 1.827 metri di altitudo. On povas nivar en alta monti dum kolda vintri.

La fluvii del stato apartenas a du hidrografiala baseni: la baseno dil fluvio Plata e la baseno dil Atlantiko. La baseno dil fluvio Plata povas dividesar en du: la baseno dil fluvio Paraná e la baseno dil fluvio Uruguay. La fluvio Itajaí-Açu esas la precipua del stato qua fluas direte til Atlantiko. Altra importanta fluvii esas Iguasu (qua apartenas a la baseno di Paraná), e la fluvii Pelotas, Canoas, Chapecó e Rio do Peixe (qui apartenas a la baseno di Uruguay).

La klimato esas subtropikala humida, Cfa (infre 800 metri di altitudo) e Cfb (supre 800 metri di altitudo). La mezvalora pluvozeso esas 1,500 mm omnayare.

Ekonomio[redaktar | edit source]

Itajaí, kun lua portuo.
Nivo en São Joaquim.

La precipua ekonomial agado di Santa Catarina esas l' industrio (precipue nutrivi, stofi, ceramiko, metalifo e mashinifado), la minado e l'edukado di bovi e porki. La portuo di Itajaí esas un ek la precipua portui de Brazilia.

La precipua produkturi di agrokultivo en Santa Catarina esas maizo, soyo, tabako, manioko, fazeolo e rizo.

Turismo esas importanta ekonomikala agado en lua litoro, note en urbi quale Florianópolis, Balneário Camboriú, Garopaba, ed altri. Montoza urbi, quale São Joaquim, Lajes ed Urubici anke atraktas turisti, specale dum vintro. Fine, Blumenau, kun lua Oktoberfest (festo di biro), simile a München en Germania, dum ke Nova Trento esas loko por religiala turismo.

Demografio[redaktar | edit source]

Referi[redaktar | edit source]

Commons
Commons havas kontenajo relatante a:
  1. 1.0 1.1 Ferreira Levy, Maria Stella - O Papel da Migração Internacional na Evolução da População Brasileira - . O Papel da Migração Internacional na Evolução da População Brasileira (en Portugalana).