Santa Catarina

De Wikipedio
Salti al navigilo Salti al serĉilo
Santa Catarina
Bandeira de Santa Catarina.svg Brasão de Santa Catarina.svg
Chef-urbo Florianópolis
Maxim granda urbo Joinville
Brazil State SantaCatarina.svg
Surfaco 95 376,2 km²
Habitanti
Denseso di habitantaro
7 075 494[1] (2018)
74,2 hab./km²
Guberniestro Carlos Moisés da Silva (PSL) (2019-2022)
Posto-kodal abreviuro SC
Horala zono UTC-3
(UTC-2 dum la somero)
TNP (yaro) R$ 197.47 miliardi (2013)
Reto www.sc.gov.br

Santa Catarina esas Braziliana stato di Suda regiono. Lu havas kom vicini Paraná norde, Rio Grande do Sul sude, l'Oceano Atlantiko este, ed Arjentinia weste.

Bazala fakti pri Santa Catarina.

Historio[redaktar | redaktar fonto]

Ante l'arivo di Portugalani, indijeni Karijo, de etnio Tupi, habitis la litoro. L'unesma Europani qui koloniigis la regiono esis Hispani, qui instalis su en l'insulo Santa Catarina en 1526. Navi qui navigis vers fluvio Plata haltis en la regiono por recevar provizuri.

En 1675 Portugalano Francisco Dias Velho fondis la vilajo Nossa Senhora do Desterro, nune Florianópolis, en l'insulo Santa Catarina. La vilajo divenis urbo en 1726. En 1696 fondesis l'urbo Laguna.

Florianópolis en 1847.

Inter 1748 e 1756 arivis en la regiono 5.000 enmigranti de Acori. Li recevis tereni por kultivar.

En 1775 fondesis l'urbo Lages, fora la litoro. Pos ke Brazilia divenis nedependanta de Portugal, l'informo pri la nedependo nur arivis en Santa Catarina en oktobro 1822. En 1839 la regiono proxim la frontiero kun Rio Grande do Sul recevis influo de la milito di Farrapos, e de la 22ma di julio til la 15ma di novembro ta yaro l'urbo Laguna okupesis dal revoltinti, qui proklamis ibe la Republiko Juliana, federita kun lora "republiko di Piratini" (nune stato Rio Grande do Sul).

De la komenco dil 19ma yarcento til la duimo dil 20ma yarcento, multa enmigranti Europana arivis en la provinco di Santa Catarina (pose stato), di qui la duimo (50%) esis de Germania od Austria.[2] La cetera venis de Italia, Polonia, Rusia, Ukraina, Nederlando, Norvegia, Suedia, Dania, Luxemburgia, Suisia, Lituania, Francia, Finlando, Kroatia, Slovenia e Latvia.[2]

Kande proklamesis la republiko en Brazilia, la provinco di Santa Catarina divenis stato.

En 2004 la stato subisis l'efekti de l'unesma uragano del sudo di Atlantiko. La fenomeno baptesis uragano Catarina dal meteorologiisti.

Geografio[redaktar | redaktar fonto]

Ponto Hercílio Luz, en Florianópolis.
Topografiala mapo di Santa Catarina.

La chef-urbo dil stato, Florianópolis, distas 1.539 km norde de Buenos Aires, 705 km sude de Sao Paulo, 1.144 km sude de Rio de Janeiro, e 1.673 km sude de Brasília. Ta facas de la stato strategiala punto meze di la komercala koridori de Mercosur. Du ek la maxim importanta chosei di Brazilia, BR-116 (de Jaguarão en Rio Grande do Sul til Fortaleza en Ceará) e BR-101 (de Santana do Livramento en Rio Grande do Sul til Touros, en Rio Grande do Norte), trairas Santa Catarina sude til norde.

Cirkume 77% del teritorio dil stato jacas super 300 metri di altitudo e 52% jacas super 600 metri. La maxim alta monto dil stato esas Morro Boa Vista, inter l'urbi Urubici e Bom Retiro, kun 1.827 metri di altitudo. Povas nivar en alta monti dum kolda vintri.

La fluvii del stato apartenas a du hidrografiala baseni: la baseno dil fluvio Plata e la baseno dil Atlantiko. La baseno dil fluvio Plata povas dividesar en du: la baseno dil fluvio Paraná e la baseno dil fluvio Uruguay. La fluvio Itajaí-Açu esas la precipua del stato qua fluas direte til Atlantiko. Altra importanta fluvii esas Iguasu (qua apartenas a la baseno di Paraná), e la fluvii Pelotas, Canoas, Chapecó e Rio do Peixe (qui apartenas a la baseno di Uruguay).

La klimato esas subtropikala humida, Cfa (infre 800 metri di altitudo) e Cfb (supre 800 metri di altitudo). La mezvalora pluvo-quanto esas 1.500 mm omnayare.

Ekonomio[redaktar | redaktar fonto]

Itajaí, kun lua portuo.
Nivo en São Joaquim.

La precipua ekonomial agado di Santa Catarina esas l' industrio (precipue nutrivi, stofi, ceramiko, metalifo e mashinifado), la minado e l'edukado di bovi e porki. La portuo di Itajaí esas un ek la precipua portui de Brazilia.

La precipua produkturi di agrokultivo en Santa Catarina esas maizo, soyo, tabako, manioko, fazeolo e rizo.

Turismo esas importanta ekonomikala agado en lua litoro, note en urbi quale Florianópolis, Balneário Camboriú, Garopaba, ed altri. Montoza urbi, quale São Joaquim, Lajes ed Urubici anke atraktas turisti, specale dum vintro. Fine, Blumenau, kun lua Oktoberfest (festo di biro), simile a München en Germania, dum ke Nova Trento esas loko por religiala turismo.

Demografio[redaktar | redaktar fonto]

La maxim granda urbi di [[{{{lando}}}]] (2016) La maxim granda urbi di Santa Catarina (2016)
Rango Nomo Provinco Regiono Habitantaro Rango Nomo Provinco Regiono Habitantaro
1ma Joinville [[{{{provinco1}}}]] [[{{{regiono1}}}]] 569 645 11ma [[{{{nomo11}}}]] [[{{{provinco11}}}]] [[{{{regiono1}}}]] {{{hab11}}}
2ma Florianópolis [[{{{provinco2}}}]] [[{{{regiono2}}}]] 477 798 12ma [[{{{nomo12}}}]] [[{{{provinco12}}}]] [[{{{regiono12}}}]] {{{hab12}}}
3ma Blumenau [[{{{provinco3}}}]] [[{{{regiono3}}}]] 343 715 13ma [[{{{nomo13}}}]] [[{{{provinco13}}}]] [[{{{regiono13}}}]] {{{hab13}}}
4ma São José [[{{{provinco4}}}]] [[{{{regiono4}}}]] 236 029 14ma [[{{{nomo14}}}]] [[{{{provinco14}}}]] [[{{{regiono14}}}]] {{{hab14}}}
5ma Chapecó [[{{{provinco5}}}]] [[{{{regiono5}}}]] 213 279 15ma [[{{{nomo15}}}]] [[{{{provinco15}}}]] [[{{{regiono15}}}]] {{{hab15}}}
6ma Criciúma [[{{{provinco6}}}]] [[{{{regiono6}}}]] 209 153 16ma [[{{{nomo16}}}]] [[{{{provinco16}}}]] [[{{{regiono16}}}]] {{{hab16}}}
7ma Itajaí [[{{{provinco7}}}]] [[{{{regiono7}}}]] 208 958 17ma [[{{{nomo17}}}]] [[{{{provinco17}}}]] [[{{{regiono17}}}]] {{{hab17}}}
8ma Jaraguá do Sul [[{{{provinco8}}}]] [[{{{regiono8}}}]] 167 300 18ma [[{{{nomo18}}}]] [[{{{provinco18}}}]] [[{{{regiono18}}}]] {{{hab18}}}
9ma Palhoça [[{{{provinco9}}}]] [[{{{regiono9}}}]] 161 395 19ma [[{{{nomo19}}}]] [[{{{provinco19}}}]] [[{{{regiono19}}}]] {{{hab19}}}
10ma Lages [[{{{provinco10}}}]] [[{{{regiono10}}}]] 158 620 20ma [[{{{nomo20}}}]] [[{{{provinco20}}}]] [[{{{regiono20}}}]] {{{hab20}}}
01 JoinvilleCentro.jpg
Joinville
Avenida Beira Mar Norte Florianopolis.jpg
Florianópolis
[[Arkivo:{{{imajo3}}}|180px]]
Blumenau
[[Arkivo:{{{imajo4}}}|180px]]
São José
Fonto: [3]


Referi[redaktar | redaktar fonto]

Commons
Commons havas kontenajo relatante a:
  1. ESTIMATIVAS DA POPULAÇÃO RESIDENTE NO BRASIL E UNIDADES DA FEDERAÇÃO COM DATA DE REFERÊNCIA EM 1º DE JULHO DE 2018. IBGE. URL vidita ye la 2ma di januaro 2019.
  2. 2,0 2,1 Ferreira Levy, Maria Stella . O Papel da Migração Internacional na Evolução da População Brasileira (en Portugalana). - O Papel da Migração Internacional na Evolução da População Brasileira - Citajo: Santa Catarina, tem como grupo nacional mais importante os alemães cujas proporções oscilam ao redor de 40%, seguidos pelos italianos, com aproximadamente 17%, até o censo de 1950. Em 1970, a proporção de imigrantes italianos reduz-se a metade. As outras nacionalidades que tem expressão são poloneses, russos e austríacos com proporções entre 6 e 11%, considerando-se inclusive o censo de 1970
  3. ESTIMATIVAS DA POPULAÇÃO RESIDENTE NO BRASIL E UNIDADES DA FEDERAÇÃO COM DATA DE REFERÊNCIA EM 1º DE JULHO DE 2016. Instituto Brasileiro de Geografia e Estatística (IBGE). URL vidita ye la 23ma di novembro 2016.