Mato Grosso do Sul

De Wikipedio
Irez ad: pilotado, serchez
Mato Grosso do Sul
Bandeira de Mato Grosso do Sul.svg Brasão de Mato Grosso do Sul.svg
Chef-urbo Campo Grande
Maxim granda urbo Campo Grande
Brazil State MatoGrossodoSul.svg
Totala surfaco 357,124.9 km²
Habitanti
Denseso di habitantaro
2,619,657[1] (2014)
7.33 hab./km²
Guberniestro Reinaldo Azambuja (PSDB)
Horala zono UTC-4
KLP (yaro) R$ 54 471 milioni (2012)
Reto www.ms.gov.br

Mato Grosso do Sul esas Braziliana stato, qua jacas en Centr-Westala Regiono. Lua vicina stati esas:

En sudo ed en sud-westo jacas Paraguay, ed en westo jacas Bolivia.

Bazala fakti pri Mato Grosso do Sul.

Historio[redaktar | edit source]

Unesma habitanti dil stato esis indijeni. En 1524 Portugalana Aleixo Garcia, qua verkis por Hispania trairis la regiono til la fluvio Paraguay, proxim nuna Corumbá. En 1537 e 1538 Juan Ayolas e Domingo Martínez de Irala anke atingis Corumbá. En 1579 Hispaniani fondis l'urbeto Xerez, destruktita dal indijeni de raso Guaykuru.

Subdividuri di Brazilia en 1709.

Jezuiti de Hispaniana instalis misioni en la regiono, ma dum 1630a e 1640a yari l'exploreri konocita kom bandeirantes (Portugalani e Braziliani) atakis ol por kaptar indijeni por uzar kom sklavi. En 1648 Antônio Raposo Tavares komandis finala atako. Plu kam un yarcento pose la kapitanio di Mato Grosso - formacita da teritorii di nuna Mato Grosso do Sul, Mato Grosso e Rondônia - separesis de la kapitanio de Sao Paulo. La Kontrato di Madrid, e pose la kontrato di San Ildefonso (1778) determinis Portugalana dominio super la regiono. En 28 di februaro 1821 la kapitanio di Mato Grosso divenis provinco.

Dum la Milito di Paraguay, la sudo di la provinco di Mato Grosso, nune Mato Grosso do Sul, subisis atako de Paraguayani, ed eventis violenta batalii en Coxim e Laguna (nuna urbo di Bela Vista). Kande milito finis, ye la 1ma di marto 1870 multa urbeti restis destruktita e kun poka habitanti. Gradope komencis riokupeso di la regiono, kun l'expanso dil edukado di bovaro e kultivo di mateo.

Kun la republiko en 1889 Mato Grosso divenis stato. Dum unesma yardeki de 20ma yarcento la konstrukturo di fervoyo unionis sudo di Mato Grosso kun Sao Paulo. Gradope l'ideo pri dividar la stato en du kreskis. Fine en 1977, Nacionala Kongreso di Brazilia aprobis e la prezidanto Ernesto Geisel sancionis ye la 11ma di oktobro sam yaro la lego qua separis Mato Grosso do Sul separesis de Mato Grosso. Mato Grosso do Sul komencis existar kom separita stato ye l'1ma di januaro 1979. Tatempe, lore Braziliana prezidanto Ernesto Geisel indikis Marcelo Miranda Soares por esar l'unesma guberniestro dil stato.

La sequanta yaro, Miranda Soares revokesis dal prezidanto João Baptista Figueiredo. Kun ta substituco, Figueiredo probis faciligar la vinko dil partiso PDS (Partido Democrático Social) en l'elekti por guberniestri di la stati dum la sequanta yaro. Tamen, Wilson Barbosa Martins, del lore opozinta partiso PMDB, vinkis l'elekto.[2]

Geografio[redaktar | edit source]

Pantanal, inundebla regiono en la westo dil stato.
Mapo di Mato Grosso do Sul kun Campo Grande en reda.

Kun 357,124.9 km², qua reprezentas 22.2% de la totala surfaco di la Centro-westala regiono e 4.2% de la totala surfaco di Brazilia, Mato Grosso do Sul esas poke min granda kam Germania.

La tereni dil stato ordinare esas plana, kun altitudi inter 200 e 600 metri. Ne existas alta monti en la stato.

Lua fluvii apartenas a du hidrografiala baseni, Paraná en l'esto dil stato, e Paraguay en la westo. Du basa montari, Bodoquena e Maracaju, dividas l'aqui di la riveri qui fluas vers un od altra baseno. La precipua enfluanti di Paraná esas la riveri Sucuriú, Verde, Pardo ed Ivinhema, dum ke la precipua enfluanti di Paraguay esas la fluvii Taquari, Aquidauana e Miranda.

L'ekosistemo inundebla di Pantanal kovras la westo dil stato, ma granda parto di lua teritorio kovresas da cerrado, la savano Braziliana. Existas mikra regioni kovrata dal tropikala floresto Mata Atlântica, e dal naturala pastureyi di Pampa.

La klimato di Mato Grosso do Sul havas du sezoni: sika dum vintro e pluvoza dum somero. Januaro esas la maxim varma monato, e la mezvalora temperaturo en ta monato atingas 34ºC. En l'extrema sudo dil stato la klimato esas subtropikala. Dum vintro povas eventar frosti, qui domajas plantacerii.

Demografio[redaktar | edit source]

La 10 maxim granda urbi di Mato Grosso do Sul
(2014)
Imaji Rango Nomo Habitantaro
Parque das Nações Indígenas em CG.jpg
Campo Grande
Dourados - Parque dos Ipês.jpg
Dourados
1ma Campo Grande 853,622
2ma Dourados 212,870
3ma Três Lagoas 113,619
4ma Corumbá 108,656
5ma Ponta Porã 86,717
6ma Naviraí 51,535
7ma Sidrolândia 51,355
8ma Nova Andradina 50,893
9ma Aquidauana 47,162
10ma Maracaju 43,078
Fonto: IBGE[3]

Ekonomio[redaktar | edit source]

Servadi esas la precipua ekonomial agado dil stato, e reprezentis 46.1% de la KLP dil stato en 2004. L'agrokultivo (precipue soyo, maizo, kotono, rizo e sukrokano) e edukado di bovaro reprezentis 31.2% de KLP, dum ke l'industrio reprezentas 22.7%.

La granda biodiverseso dil stato stimulas ekologiala turismo en la regioni dil Pantanal, Bonito, Jardim e Bodoquena.

Referi[redaktar | edit source]

  1. Estimativas da população residente no Brasil e unidades da federação com data de referência em 1º de julho de 2014 (en Portugalana). Instituto Brasileiro de Geografia e Estatística - IBGE. URL vidita ye la 28 di agosto 2014.
  2. Hildebrando Campestrini e Acyr Vaz Guimarães (2011) - História de Mato Grosso do Sul - . (Campo Grande) pp. 415 Instituto Histórico e Geográfico de Mato Grosso do Sul.
  3. ftp://ftp.ibge.gov.br/Estimativas_de_Populacao/Estimativas_2015/estimativa_dou_2015.pdf