Pernambuco

De Wikipedio
Salti al navigilo Irez a serchilo
Estado de Pernambuco
Stato di Brazilia
Bandeira de Pernambuco.svg Brasão do estado de Pernambuco.svg
Chef-urbo Recife
Maxim granda urbo Recife
Brazil State Pernambuco.svg
Surfaco 98 311,6 km²
Habitanti
Denseso di habitantaro
9 496 294[1] (2018)
96,75 hab./km²
Guberniestro Paulo Câmara (PSB)
(2015, rielektita en 2018)
Horala zono UTC-3
TNP (yaro) R$ 117.34 miliardi (2018)[2]
Reto www.pe.gov.br

Pernambuco [pronuncez: 'Pernambuko'] esas Braziliana stato jacanta en Nord-estala regiono di la lando. Lu havas kom vicini Paraíba e Ceará norde, Piauí weste, e Bahia ed Alagoas sude. Este jacas l'Oceano Atlantiko.

Bazala fakti pri Pernambuco.

Historio[redaktar | redaktar fonto]

Pikturi trovita en kaverni an la Nacionala Parko Catimbau.

En la nuna Pernambuco trovesis restaji pri homala okupeso de adminime 11.000 yari ante nun. Proxim la nuna urbo Brejo da Madre de Deus trovesis nekropolo kovranta 125 m², kun 83 skeleti. Pri la populi qui habitis la regiono kande l'unesma Europani arivis, l'etnii Kaeté e Tabajara habitis la litoro, kontre ke le Pankararu e le Atikun habitis doplando.

On kredas ke Vicente Yáñez Pinzón desembarkis en la nuna Cabo de Santo Agostinho ye la 26ma di januaro 1500, ante l'arivo di Pedro Álvares Cabral a la nuna Bahia. Tamen, ta teorio esas senpruva. En 1501, Portugalana navigisto Gaspar de Lemos exploris la litoro di Pernambuco e kreis avanposteni an la litoro por explorar la ligno pau brasil, qua uzesis por produktar inko multe precoza en Europa. La qualeso di la ligno produktita en Pernambuco konsideresis ecelanta, e pro to la vorto "pernambuco" divenis sinonimo di pau brasil en l'Italiana ed en la Franca (pernambouc).

Pernambuco okupesis dal Nederlandani de 1630 til 1654, kande li ekpulsesis dal Braziliani e Portugalani. La sentimento di importo qua aparis dum la batalii kontre la Nederlandani produktis, pos kelka yari, la milito di Mascates, inter 1710 e 1711, kande Braziliani qui habitis Olinda luktis kontre Portugalana komercisti qui habitis Recife.

En 1822, kun Braziliana nedependo, Pernambuco divenis provinco. Kun la republiko en 1889, ol divenis stato.

Ica seciono esas vakua, nesuficante detaloza o nekompleta. Vua helpo esas bonvenanta!

Geografio[redaktar | redaktar fonto]

Pernambuco jacas an la Nord-estala regiono di Brazilia. L'insulo Fernando de Noronha, jacanta 535 km de la kontinento, divenis itere parto di Pernambuco depos 1988.

La klimato dil stato esas tropikala en la litoro, kun intensa sunolumo dum somero e intensa pluvo-quanti dum vintro. Che la regiono sertão (weste del stato) la klimato esas miarida. La sikesi en ca regiono povas durar dum plu kam un yaro.

Ekonomio[redaktar | redaktar fonto]

La precipua ekonomial agadi esas l'agrokultivo (nome sukrokano e manioko), industrio (nutrivi, kemiala produkturi, metalurgiala, elektronikala, stofala), edukado di bovaro, e turismo.

Turismo[redaktar | redaktar fonto]

Plajo Muro Alto, en la municipo Ipojuca.
Strado Aurora en Recife, kun lua historiala konstrukturi.

Lua litoro, kun bela plaji, atraktas multa turisti de altra Braziliana stati e de altra landi, nome Europani (precipue Portugalani, Hispaniani e Italiani) ed Arjentiniani. La maxim konocata turistala loki esas Porto de Galinhas (vilajo che la municipo Ipojuca), Serrambi, Itamaracá, Jaboatão dos Guararapes e Recife.

Doplanda en la stato, l'urbo Caruaru konocesas pro sua populala festi memoriganta populara santi de katolikismo: Santa Antonius (13ma di junio), Santa Petrus (29ma di junio) e Santa Ioannes (24ma di junio).

Recife, Olinda e Jaboatão dos Guararapes anke havas historiala konstrukturi (domi, fortresi, edc.).

Demografio[redaktar | redaktar fonto]

La maxim granda urbi di [[{{{lando}}}]] (1ma di julio 2017) La maxim granda urbi di Pernambuco (1ma di julio 2017)
Rango Nomo Provinco Regiono Habitantaro Rango Nomo Provinco Regiono Habitantaro
1ma Recife [[{{{provinco1}}}]] [[{{{regiono1}}}]] 1 633 697 11ma [[{{{nomo11}}}]] [[{{{provinco11}}}]] [[{{{regiono1}}}]] {{{hab11}}}
2ma Jaboatão dos Guararapes [[{{{provinco2}}}]] [[{{{regiono2}}}]] 695 956 12ma [[{{{nomo12}}}]] [[{{{provinco12}}}]] [[{{{regiono12}}}]] {{{hab12}}}
3ma Olinda [[{{{provinco3}}}]] [[{{{regiono3}}}]] 390 771 13ma [[{{{nomo13}}}]] [[{{{provinco13}}}]] [[{{{regiono13}}}]] {{{hab13}}}
4ma Caruaru [[{{{provinco4}}}]] [[{{{regiono4}}}]] 356 128 14ma [[{{{nomo14}}}]] [[{{{provinco14}}}]] [[{{{regiono14}}}]] {{{hab14}}}
5ma Petrolina [[{{{provinco5}}}]] [[{{{regiono5}}}]] 343 219 15ma [[{{{nomo15}}}]] [[{{{provinco15}}}]] [[{{{regiono15}}}]] {{{hab15}}}
6ma Paulista [[{{{provinco6}}}]] [[{{{regiono6}}}]] 328 353 16ma [[{{{nomo16}}}]] [[{{{provinco16}}}]] [[{{{regiono16}}}]] {{{hab16}}}
7ma Cabo de Santo Agostinho [[{{{provinco7}}}]] [[{{{regiono7}}}]] 204 653 17ma [[{{{nomo17}}}]] [[{{{provinco17}}}]] [[{{{regiono17}}}]] {{{hab17}}}
8ma Camaragibe [[{{{provinco8}}}]] [[{{{regiono8}}}]] 156 361 18ma [[{{{nomo18}}}]] [[{{{provinco18}}}]] [[{{{regiono18}}}]] {{{hab18}}}
9ma Garanhuns [[{{{provinco9}}}]] [[{{{regiono9}}}]] 138 642 19ma [[{{{nomo19}}}]] [[{{{provinco19}}}]] [[{{{regiono19}}}]] {{{hab19}}}
10ma Vitória de Santo Antão [[{{{provinco10}}}]] [[{{{regiono10}}}]] 137 578 20ma [[{{{nomo20}}}]] [[{{{provinco20}}}]] [[{{{regiono20}}}]] {{{hab20}}}
Recife - vista aérea.jpg
Recife
Orla Piedade Jaboatão-PE.jpg
Jaboatão dos Guararapes
[[Arkivo:{{{imajo3}}}|170px]]
Olinda
[[Arkivo:{{{imajo4}}}|170px]]
Caruaru
Fonto: [3]


Referi[redaktar | redaktar fonto]

  1. ESTIMATIVAS DA POPULAÇÃO RESIDENTE NO BRASIL E UNIDADES DA FEDERAÇÃO COM DATA DE REFERÊNCIA EM 1º DE JULHO DE 2018. IBGE. URL vidita ye la 2ma di januaro 2019.
  2. Contas Regionais do Brasil 2018 (en Portugalana). IBGE. URL vidita ye la 14 di novembro 2014.
  3. Instituto Brasileiro de Geografia e Estatística (IBGE). Estimativas populacionais para os municípios e para as Unidades da Federação brasileiros em 01.07.2017 (en Portugalana). URL vidita ye la 30ma di agosto 2017.