Olinda

De Wikipedio
Irez ad: pilotado, serchez
Olinda
Montagem Olinda.jpg
Kelk imaji pri Olinda.
Bandeira de Olinda.png Brasão de Olinda PE.png
Flago di Município de Olinda Blazono di Município de Olinda
Lando: Flag of Brazil.svg Brazilia
Stato: Pernambuco
Informo:
Latitudo: 8º00'32" S
Longitudo: 34º51'08" W
Altitudo: 16 m
Surfaco: 40,8 km²
Habitanti: 375 559 (2010)
Denseso di habitantaro: 8.624,02 hab./km²
Disto de Recife: 7 km
Urbestro: Renildo Calheiros (PCdoB)
Mapo:
Mapo di Olinda
Oficala retosituo:
www.olinda.pe.gov.br
Aerala imajo pri la historiala quarteri di Olinda.

Olinda esas urbo en Braziliana stato Pernambuco. Segun la demografiala kontado di 2010, ol havis 375 559 habitanti. Lua totala surfaco esas 40,8 km².

Ultre lua naturala beleso, Olinda ank esas importanta kulturala e historiala centro en Brazilia. Lua historiala quartero deklaresis Historiala e Kulturala Patrimonio di la Homaro dal UNESKO en 1982.

En 2006 ol elektesis l'unesma Kulturala Chef-urbo di Brazilia, kun la suporto de UNESKO e de la Ministerii pri Kulturo e pri Turismo di Brazilia.

Historio[redaktar | redaktar fonto]

La Katedralo () di Olinda.

L'urbo fondesis ye la 12ma di marto 1535 dal Portugalano Gonçalo Coelho. Segun legendo, ilu klamis en la Portugalana: Oh, linda situação para se construir uma vila! ("Ho! Bona loko por konstruktar un vilajo!"), e to esus l'origino dil nomo Olinda. L'urbo esis la sideyo di la kapitanio (regiono private administrita da reprezenteri di Portugal) di Pernambuco dum kelka yari, ma destruktesis dal Nedernandani kande li invadis Nord-estala regiono di Brazilia. Kande Nederlandani ekpulsesis en 1654 l'urbo itere divenis chef-urbo di la kapitanio, ma l'administestri vivis en Recife.

En 1800 l'urbo ganis religiala skolo ed en 1828 ol ganis un fakultato di yuro. En 1837 la chef-urbo di lore provinco di Pernambuco transferesis vers Recife. Nune lua karnavalo atraktas turisti de tota Brazilia ed exterlande, por kantar e/o dansar la ritmo frevo en lua stradi, od admirar paradi kun giganta pupei.

Geografio[redaktar | redaktar fonto]

Arbori de tropikala foresto en Olinda.

Olinda jacas che la litoro di Pernambuco an la metropolala regiono dil urbo Recife, de qua distas 7 km. La mezavalora altitudo dil municipo esas 16 m adsur la maro. Lua relevo konsistas ek planaji e kolini, di qui kelki abrupta, ma sen alta monti.

La klimato dil urbo esas tropikala humida kun mezavalora temperaturi super 18°C omnadie (la mezavalora yarala temperaturo esas 26°C, e dum la somero esas 30°C), alta aerala humideso e mezavalora pluvozeso di 1.700 mm, koncentrata de aprilo til julio. L'originala vejetantaro dil urbo esis la tropikala foresto, de qua prezervesas kelka arbori.


Giganta pupei en la karnavalo di Olinda.