Recife, Pernambuco

De Wikipedio
(Ridirektita de Recife (Pernambuco))
Salti al navigilo Salti al serĉilo
Recife, Pernambuco
Montagem Recife (3).jpg
Kelk imaji pri Recife.
Bandeira de Recife.svg Brasão de Recife.svg
Standardo Blazono
Lando: Flag of Brazil.svg Brazilia
Stato: Pernambuco
Informo:
Latitudo: 8°03'14" S
Longitudo: 34°52'51" W
Altitudo: 4 m
Surfaco: 218,4 km²
Habitanti: 1 633 697 (2017)
Denseso di habitantaro: 7479,1 hab./km²
Disto de Brasília: 2220 km
Horala zono: UTC-3
Urbestro: Geraldo Júlio (PSB) (2017-2020)
Mapo:
Mapo di Recife, Pernambuco
Oficala retosituo:
http://www.recife.pe.gov.br
Quartero Boa Viagem, en Recife.

Recife esas la chef-urbo di Braziliana stato Pernambuco. Segun statistiki de 2017, ol havis 1 633 697 habitanti, esante la 9ma maxim populoza urbo de Brazilia. Lua metropolala regiono esas la 4ma maxim populoza de Brazilia, havante plua kam 4 milion habitanti. Lua tota surfaco esas 218,4 km².

Fondita ye la 12ma di marto 1537, Recife nun esas importanta komercala e turistala urbo di Nordestala regiono di Brazilia. Tri chef-urbi di stati de la Nord-estala regiono distas min kam 300 km de Recife: João Pessoa (122 km), Maceió (257 km) e Natal (286 km). L'importanta portuo Suape distas 40 km sude de ol.

Nun un ek la maxim konocata turistala atraktivi di Recife esas lua Karnavalo, en februaro o marto. La ritmo frevo esas la tipala muziko di Karnavalo en Recife ed en la vicina urbo Olinda. Multa historiala edifici anke prezervesas en la du urbi.

La sideyo di la Federala Universitato di Pernambuco (UFPE) jacas en Recife.

Historio[redaktar | redaktar fonto]

Cirkume la yaro 1000, indijeni Tapuia qui habitis la regiono ekpulsesis vers regioni doplanda da indijeni de etnio Tupi, qui venis de Amazonia. Kande Europani arivis en la regiono, ol habitesis da indijena populo Kaeté, del etnio Tupi.

On kredas ke Vicente Yánez Pinzón vidis la nuna Kabo di Santa Augustinus ye la 26ma di januaro 1500. En 1516 Pedro Capico, Portugalano, establisis l'unesma plantacerio di sukrokano de Sud-Amerika che l'insulo Itamaracá.

Geografio[redaktar | redaktar fonto]

Plajo, avenuo e distrikto Boa Viagem, richa distrikto di Recife.

La reliefo di Recife esas plana, kun mezavalora altitudo di 4 metri super la marala nivelo. L'urbo expansis sur insuli, peninsuli, marshi ed inundebla zoni, inter 5 riveri: Capibaribe, Beberibe, Tejipió, Jaboatão e Pirapama.

La klimato dil urbo esas tropikala humida (As' segun la klimatala klasifikuro da Köppen). La mezavalora yaralatemperaturo esas 26°C, ed atingas 30°C dum la somero. Pro la granda quanto di edifici en Recife, ordinare formacesas la nomizita "insuli di kaloro", qui kontributas por la diferi di temperaturi inter la diversa regioni del urbo.

La mezavalora yarala pluvo-quanto esas 2263,4 mm, e la maxim pluvoza epoko iras de aprilo til julio. Junio esas la maxim pluvoza monato, kun mezavalore 391,1 mm. Ofte eventas inundadi dum la maxim pluvoza dii.

Panoramo pri la centrala quartero di Recife.
Panoramo pri la centrala quartero di Recife.

Transporto[redaktar | redaktar fonto]

Staciono Tancredo Neves dil metroo.

Recife havas 71 kilometri di metroo e lejera treni dividita inter 5 linei kun entote 29 stacioni, transportanta cirkume 600 mil veheri omnadie. Ol esas la maxim importanta sistemo di metroo de la Nord-estala regiono segun quanto di uzeri.

Fratala urbi[redaktar | redaktar fonto]

Karnavalo en Recife.