Natal, Rio Grande do Norte

De Wikipedio
Salti al navigilo Irez a serchilo
Natal, Rio Grande do Norte
Montagem Natal, RN.jpg
Kelk imaji de Natal.
Bandeira-natal.png Brasão de Natal.svg
Standardo Blazono
Lando: Flag of Brazil.svg Brazilia
Stato: Rio Grande do Norte
Informo:
Latitudo: 05º47'42"S
Longitudo: 35º12'32" W
Altitudo: 30 m
Surfaco: 170.3 km²
Habitanti: 877 640 (2017)
Denseso di habitantaro: 5247,03 hab./km²
Disto de Brasilia: 2227 km
Horala zono: UTC-3
Urbestro: Álvaro Dias (MDB) (2018-2020)
Mapo:
Mapo di Natal, Rio Grande do Norte
Oficala retosituo:
www.natal.rn.gov.br
Urbestr-domo (Prefeitura) di Natal.

Natal esas chef-urbo di Braziliana stato Rio Grande do Norte. Segun statistiki dil yaro 2017 ol havis 877 640 habitanti. Lua metropolala regiono kun altra 9 urbi havas preske 1.5 milion habitanti.

Natal esas importanta turismala centro en Nord-estala regiono di Brazilia, e recevas cirkume 2 milion viziteri omnayare. L'industrio, nome konstruktado, vestaro e transform-industrio, ank esas importanta ekonomial agado. L'urbo anke havas 6 granda komercala centri. La sideyo dil Universitato Federala di Rio Grande do Norte (UFRN) jacas en la urbo. L'urbo anke havas altra universitati e fakultati privata.

Lua klimato esas tropikala, kun poka pluvi. La mezvalora temperaturo esas 26 °C.

Historio[redaktar | redaktar fonto]

La fuorto Reis Magos.

Amerigo Vespucci vizitis la regiono (Kabo di Santo Roque, 32 km norde de nuna Natal) en 1501, ma la regiono restis ne-kolonigita til preske la fino dil 16ma yarcento.

En 1597 la generala-guberniestro di Brazilia imperis atako kontre Franca pirati. L'atako esis sucesoza ed, ye la 6ma di januaro 1598, Jerônimo de Albuquerque fondis la Fuorto Reis Magos (Saja Reji) por defensar la regiono.

Ye la 25ma di decembro 1599 la vilajo di Natal fondesis extere la fuorto. Tamen, pro la destrukto di dokumenti dum l'invado Nederlandana en la regiono, ne saveskis exakte quo fondis la urbo. Nederlandani okupis la regiono de 1633 til 1654, e dum ta epoko la fuorto ribaptesis Kenlen.

Dum la kolonial epoko la kresko dil urbo esis lenta: dum la fino di 1805 ol havis nur 6.393 habitanti, e dum la fino dil 19ma yarcento li esis nur 16.000 personi. La sabloza sulo dil urbo impedis la kultivo di sukrokano. Pro to, la precipua ekonomial agado dil urbo esis komerco.

Strado Costeira, an la sudo di Natal.

Dum la duesma mondomilito l'urbo divenis importanta aerala bazo por Usan avioni por esar la Sud-Amerikana punto maxim proxima de Afrika. Ye la 28ma di januaro 1943 Franklin Delano Roosevelt e Getúlio Vargas signatis pakto en la urbo pri l'eniro di Brazilia en la duesma mondomilito por luktar kontre Italia e Nacional-socialista Germania.

Plaji en urbo[redaktar | redaktar fonto]

  • Plajo Areia Preta
  • Plajo dil Artisti ("Praia dos Artistas")
  • Plajo dil Mezo ("Praia do Meio")
  • Plajo dil Fuorto ("Praia do Forte")
  • Plajo di la choseo Costeira ("Praia da Via Costeira")
  • Plajo Ponta Negra
  • Plajo Redinha
Panoramo pri Natal, chef-urbo di Rio Grande do Norte, Brazilia.