Maceió
| Maceió | ||
| ||
| Kelk imaji pri Maceió. | ||
|
| |
| Standardo | Blazono | |
| Lando: |  Brazilia
| |
| Stato: | Alagoas | |
Informo:
| ||
| Fondita ye: | 5ma di decembro 1815 | |
| Latitudo: | 9°39'57" S | |
| Longitudo: | 35°44'06" W | |
| Altitudo: | 7 m m | |
| Surfaco: | 510,7 km² | |
| Habitanti: | 1 012 382 (2018) | |
| Denseso di habitantaro: | 1 986,8 hab./km² | |
| Disto de Brasília: | 2013 km | |
| Horala zono: | UTC-3 | |
| Urbestro: | Rui Palmeira (PSDB) | |
Mapo:
| ||
| ||
Oficala retosituo:
| ||
| www.maceio.al.gov.br | ||
Maceió esas la chef-urbo e maxim populoza urbo de la stato Alagoas, de la nord-estala regiono di Brazilia. Segun statistiki dil yaro 2018, ol havis 1 012 382 habitanti. Cirkume 99,75% ek lua habitantaro habitas l'urbala zono. Ensemble kun altra 10 municipi, lua metropolala regiono havas plu kam 1,3 milion habitanti.
Jacanta an la litoro, ol distas 605 km norde de Salvador, 266 km sude de Recife, e 2013 km de Brasilia,[1] la chef-urbo di Brazilia.
La sideyo di importanta publika universitato, la Federala Universitato di Alagoas (UFAL), jacas en Maceió.
Historio[redaktar | redaktar fonto]
Cirkume la yaro 1000, l'indijeni Tapuia qui habitis la zono ube nun jacas Maceió ekpulsesis doplande da indijeni del etnio Tupi, qui venis de Amazonia. Kande l'unesma Europani arivis en la litoro di Alagoas, ol habitesis da un ek ca populi, le Kaeté. Kande Portugalana koloniigo komencis, dum la 17ma yarcento, Portugalana navi ankragis proxim la nuna portuo Jaraguá, ube la ligno extraktita de rivala foresto embarkesis vers Europa.
Maceió separesis de la vilajo Vila Madalena de Alagoas (urbo nun nomizita Marechal Deodoro) ye la 5ma di decembro 1815, e divenis urbo ye la 9ma di decembro 1839. Ye la sama dio, ol divenis chef-urbo di lora provinco Alagoas. Tamen, la habitanti del antea chef-urbo ne aceptis la transfero di povo e revoltis. Li invadis Maceió tri foyi, ye la 4ma, la 5ma ed itere la 21ma di oktobro 1844, ma fine vinkesis.
Dum la 19ma yarcento, Maceió developis rapide pro lua portuo. Ye la 1ma di februaro 1912 eventis agadi di religiala netoleremeso, kun ataki kontre templi de religii Afro-Braziliana (umbanda e kandomble), e multa spiritala chefi de ca religii linchesis. L'origino di ca atako havis politikala motivo, nam l'atakeri opozis lora guberniestro Euclides Vieira Malta, ed akuzis il pri havar suporto de ca spiritala chefi.
Ye la 17ma di julio 1997, mili di publika servisti protestis kontre lora guberniestro Divaldo Suruagy pro nepagita salarii, en kelka kazi dum 6 monati. Desesperita e kun multa debi, kelka publika servisti suocidis. Pos tumulti e violentoza stradala konflikti, guberniestro Suruagy renuncis.
Geografio[redaktar | redaktar fonto]
Maceió jacas apud la lagi Mundaú e Manguaba, sude del urbo, ed apud l'Oceano Atlantiko, este. Lua klimato esas tropikala, e lua mezvalora pluvo-quanto superiras 1400 mm omnayare.
Ekonomio[redaktar | redaktar fonto]
Maceió esas importanta turistala centro de la Nord-estala regiono di Brazilia, pro lua bela plaji, quale Jatiúca, Pajuçara e Gunga. L'urbo havas moderna internaciona aeroportuo, bona hoteli, diversa noktala amuzeyi (exemple, muzikala spetakli), e recevas plu multa turisti, sive Braziliana, sive stranjeri.
Ol anke esas la maxim importanta regionala centro por komerco e servadi, e lua portuo esas un ek la maxim importanta portui de la Nord-estala regiono. La precipua industrii en la urbo esas kemiala produkturi, alkoholo, sukro e salo.
Referi[redaktar | redaktar fonto]
- ↑ Atlas Geográfico do Brasil. Capitais dos estados. URL vidita ye la 1ma di januaro 2011.