Maceió

De Wikipedio
Jump to navigation Jump to search
Maceió
Centro de Maceió.jpg
La centrala quartero di Maceió.
Bandeira de Maceió.svg Brasão de Maceió.svg
Flago di Maceió Blazono di Maceió
Lando: Flag of Brazil.svg Brazilia
Stato: Alagoas
Informo:
Fondita ye: 5ma di decembro 1815
Latitudo: 9°39'57" S
Longitudo: 35°44'06" W
Altitudo: 7 m m
Surfaco: 510,7 km²
Habitanti: 1 103 773 ([[2015]])
Denseso di habitantaro: 1985,24 hab./km²
Disto de Brasília: 2013 km
Horala zono: UTC-3
Urbestro: Rui Palmeira (PSDB)
Mapo:
Mapo di Maceió
Oficala retosituo:
www.maceio.al.gov.br
Edifici apud la plajo Pajuçara, en Maceió.

Maceió esas la chef-urbo e maxim grand urbo de la stato Alagoas, an la nord-estala regiono di Brazilia. L'urbo jacas an la litoro di Atlantiko, 605 km norde de Salvador, 266 km sude de Recife, e 2013 km de Brasilia, la chef-urbo di Brazilia.

Historio[redaktar | redaktar fonto]

Maceió separesis de la vilajo Vila Madalena de Alagoas (urbo nune nomizita Marechal Deodoro) ye la 5ma di decembro 1815, e divenis urbo ye la 9ma di decembro 1839. La sama dio, ol divenis chef-urbo di lore provinco Alagoas. Maceió developis rapide pro lua portuo.

Geografio[redaktar | redaktar fonto]

Maceió jacas apud la lagi Mundaú e Manguaba, sude del urbo, ed apud l'Oceano Atlantiko, este. Lua klimato esas tropikala, e lua mezvalora pluvozeso superiras 1400 mm omnayare.

Ekonomio[redaktar | redaktar fonto]

Federala Universitato di Alagoas - UFAL, en Maceió.

Maceió esas importanta turistala centro de la Nord-estala regiono di Brazilia, pro lua bela plaji, quale Jatiúca, Pajuçara e Gunga. L'urbo havas moderna internaciona aeroportuo, bona hoteli, diversa noktala amuzeyi (exemple, muzikala spetakli), e recevas plu multa turisti, sive Braziliana, sive stranjeri.

Ol anke esas la maxim importanta regionala centro por komerco e servadi, e lua portuo esas un ek la maxim importanta portui de la Nord-estala regiono. La precipua industrii en la urbo esas kemiala produkturi, alkoholo, sukro e salo.

Fine, ol havas importanta publika universitato: la Federala Universitato di Alagoas (UFAL).