Guangzhou

De Wikipedio
Salti al navigilo Irez a serchilo
Guangzhou
Guangzhou montage.png
Kelk imaji pri Guangzhou.
Lando: Flag of the People's Republic of China.svg PR Chinia
Informo:
Latitudo: 23º08' N
Longitudo: 113º16' E
Altitudo: 21 m
Surfaco: 3 843 km²
Habitanti: 11 070 654 (2010)
Denseso di habitantaro: 2280.7 hab./km²
Horala zono: UTC+8
Urbestro: Wan Qingliang
Mapo:
Mapo di Guangzhou
Oficala retosituo:
www.gz.gov.cn
Ciel-skrapero en konstrukturo, en Guangzhou.

Guangzhou, en Chiniana 广州, historiale konocita kom Kanton o Kwangchow, esas la 3ma maxim granda urbo de Popul-Republiko Chinia en totalo di habitanti. Lua habitantaro esis 11 070 654 en 2010 (12.78 milioni en lua metropolala regiono). Lua tota surfaco esas 3 843 km².

Ol distas cirkume 120 km nord-nord-weste de Hong Kong, ed esas importanta portuo en la fluvio di Perli.

Historio[redaktar | redaktar fonto]

Staciono GongyuanQian en urbala fervoyo di Guangzhou.

Lua anciena nomo esis Panyu (番禺) e lua historio komencis kande la dinastio Qin konquestis la regiono. En 206 aK ol divenis chef-urbo di la dinastio Nanyue. En 111 aK la dinastio Han konquestis l'urbo, e transformis ol en chef-urbo di la provinco.

En 758, Araba e Persiana pirati spoliis Guangzhou. Araba e Persiana mulieri vivis en l'urbo de la 10ma til la 12ma yarcento.

L'unesma Europani qua arivis en l'urbo esis Portugalana komercisti, en 1514. Li nomesis l'urbo Cantão ed establisis komercala monopolo en la portuo en 1517, ma pose ekpulsesis de la regiono. Tamen, li grantis l'uzado di Makau kom komercala bazo kun Guangzhou en 1557, e mantenis komercala monopolo preske kompleta til l'arivo di Nederlandani dum la 17ma yarcento.

La dinastio Qing aceptis komercar kun plusa landi en Guangzhou pos prenir kontrolo di Taiwan en 1683. Portugalani de Makau, Hispani de Manila, ed anke Armeniana, Angla e Mohamedana komercisti retroiris al urbo.[1] De 1699 til 1714, Franci e l'Angla kompanio East India Company sendis omnayare un o du navi kun vari por vendar ibe.[1] En 1717 arivis l'Austriani; en 1729 arivis Nederlandani, ed en 1731 arivis Daniani-Nederlandani. Dum la fino di 1757, l'imperiestro Qianlong kreis tale-nomizita "sistemo di Kanton", qua establisis ke tota extera komercio di imperiala Chinia facesis tra la urbo, da tradicionala familii di komercisti, le Hong, e kreis komercala monopolo konocita kom Cohong. Kanton (Guangzhou) exportacis precipue teo e porcelano.

Til la 19ma yarcento, la maxim multa konstrukturi del urbo havis un o du etaji; la maxim alta strukturi esis la minareto de la moskeo Huaisheng (alta de 36 metri), la Flora Pagodo (o Templo Liurong), e la 5-Etaja Pagodo (o templo Zhenhai, alta de 25 metri). L'urbo cirkondesis per muro longa de 10 km, alta de 8 metri e larja de 6 metri. La nomizita "sistemo di Kanton" duris til l'unesma opiumo-milito, en 1839, qua komencis pos ke l'imperiestro Daoguang decidis proskriptar la komerco di opiumo kontrolita dal Britaniani, konfiskis l'opiumo enmagazinigita che l'urbo e minacis per mortopuniso ti qui ofensis la proskripto. Pos serio di batalii che fluvio di Perli, Britaniani invadis Guangzhou unesmafoye ye la 18ma di marto 1841, ed itere du monati pose. En 1842, pos tale-nomizita "neegala pakto" kun l'Unionita Rejio, Guangzhou perdis komercala monopolo, ed altra portui apertesis por extera komerco kun plusa landi.

En 1898, Usana kompanio American China Development Co. recevis koncesiono por konstruktar ed explotar ferovoyo de Guangzhou a Hankou.

Referi[redaktar | redaktar fonto]

  1. 1,0 1,1 Geoffrey Gunn . History without Borders: The Making of an Asian World Region, 1000–1800. - History without Borders: The Making of an Asian World Region, 1000–1800 -