Mato Grosso

De Wikipedio
Irez ad: pilotado, serchez
Estado de Mato Grosso
Bandeira de Mato Grosso.svg Brasão de Mato Grosso.JPG
Chef-urbo Cuiabá
(539,830 habitanti en 2013)
Maxim granda urbo Cuiabá
Altra urbi Várzea Grande, Rondonópolis
Brazil State MatoGrosso.svg
Totala surfaco 903,357.9 km²
Habitanti
Denseso di habitantaro
3,033,991 (2010)
3.35 hab./km²
Guberniestro Pedro Taques (PSDB)
Posto-kodal abreviuro MT
Reto www.mt.gov.br

Mato Grosso esas Braziliana stato. Lua vicina stati esas:

Lua chef-urbo esas Cuiabá.

Bazala fakti pri Mato Grosso.

Historio[redaktar | edit source]

Mapo di la regiono dum la 18ma yarcento.

Segun la kontrato di Tordesillas, la regiono di nuna Mato Grosso apartenis a Hispania. La jezuiti kreesis l'unesma vilajeti, ma ekpulsesis dal bandeirantes (exploreri de Sao Paulo e de Portugal) en 1680. La regiono cedesis a Portugal en 1750, pos la signaturo dil Kontrato di Madrid.

Oro trovesis en Mato Grosso en 1718. To aceleris la kresko dil habitantaro di la regiono. L'urbo di Cuiabá fondesis en 1719. En 1777, la kontrato di Santo Ildefonso konfirmis la nuna frontiero, inter lore Portugalana teritorio (Mato Grosso) e Hispaniana teritorio (nune parti de Paraguay e Bolivia).

Pos Braziliana nedependo en 1822, Mato Grosso divenis provinco de Brazilian imperio. Pos la proklameso di la republiko, ol divenis stato. En 1977 la stato dividesis en du: la sudo divenis Mato Grosso do Sul kun chefurbo en Campo Grande, e la nordo (Mato Grosso) restis kun chefurbo en Cuiabá. En 1984 la voyo asfaltizita Cuiabá-Porto Velho (BR-364) inauguresis.

Geografio[redaktar | edit source]

Pantanal, inundebla regiono en sud-westo di Mato Grosso.

Mato Grosso jacas en la geografiala centro di Sud-Amerika. Ol esas parto di Centro-westala regiono di Brazilia. Lua precipua klimato esas tropikala kun du sezoni: ma en nordo di stato esas equatorala.

Lua fluvii apartenas a du hidrografiala baseni: Amazon e Paraguay. Foresti kovras 47% de lua surfaco, savani kovras 39% e naturala pasturaji 14%.

Mato Grosso prizentas tri diferanta ekosistemi: Equatorala foresto en la nordo, savano (cerrado) en granda parto dil stato, e la komplexa ekosistemo di Pantanal - qua sufras ciclika inundadi omnayare, de novembro til marto - en la sudwesto. La plantaro di Pantanal esas variema, kun multa speci di herbi e kelka di arbori de savano, de tropikala foresto e de miarida regioni. L'animalaro esas tre richa, kun cirkum 1,000 speci di uceli, 400 speci di fishi, 300 di mamiferi, 480 di repteri e plu kam 9,000 speci di senvertebr animali.

Ekonomio[redaktar | edit source]

Exportacaji de Mato Grosso - (2012)[1]

L'edukado di bovaro e l'agrokultivo (precipue: soyo, maizo e kotono) esas la maxim importanta ekonomial agadi dil stato, e konstitucis 40.8% de lua KLP en 2004. Servadi konstitucis 40.2%, dum ke l'industrio konstitucis 19% de KLP. Soyo konstitucis 40.59% de l'exportacaji dil stato en 2012.

Demografio[redaktar | edit source]

La habitantaro di Mato Grosso kreskis tre rapide de la duesma duimo di la 20ma yarcento til nun. Malgre to, ol havas un di la min granda populala denseso de Brazilia. Granda parto di lua habitantaro decendas de la mixuro di indijeni kun Portugalani e/o Afrikani, e 76.6% vivis en urbi en 2006. L'ultima demografiala inquestado revelis ke de l'habitantaro 50.92% esas mestica, 39.16% deklaris esir blanka, 7.93% deklaris esir nigra, 1.37% esis indijeni e 0.42% decendanti de Aziani.[2]

La 10 maxim granda urbi di Mato Grosso
(2011)
Imaji Rango Nomo Habitantaro
Vista de Cuiabá.jpg
Cuiabá
Aeroporto Internacional Marechal Rondon.JPG
Várzea Grande
1ma Cuiabá 580,489
2ma Várzea Grande 268,459
3ma Rondonópolis 215,320
4ma Sinop 129,916
5ma Tangará da Serra 94,289
6ma Cáceres 90,518
7ma Sorriso 80,298
8ma Barra do Garças 58,398
9ma Primavera do Leste 57,423
10ma Lucas do Rio Verde 50,285
Fonto: IBGE[3]

Referi[redaktar | edit source]

  1. Plataforma DataViva. Exportações do Mato Grosso (2012).
  2. IBGE. Sistema IBGE de Recuperação Automática - SIDRA.
  3. (31 di julio 2011) Estimativas da população residente nos municípios brasileiros com data de referência em 1 de julho de 2011 (en Portugalana). Instituto Brasileiro de Geografia e Estatística (IBGE). URL vidita ye la 15 di septembro 2011.