1750

La yaro 1750 (MDCCL per Romala algarismi) esis ordinara yaro komencinta ye jovdio segun Gregoriala kalendario, ed ordinara yaro komencinta ye lundio segun Juliala kalendario. Ol esis la 750ma yaro di la duesma yarmilo, la 50ma yaro di la 18ma yarcento, e la 1ma yaro di la yari 1750a. Kande 1750 komencis, Gregoriala kalendario esis 11 dii avan Juliala kalendario, qua duris uzesar en kelka loki til 1923.

Eventi

Januaro til junio

• 13ma di januaro - Kontrato di Madrid inter Hispana imperio e Portugal establisas nova frontieri inter teritorii Hispana e Portugalana en Sud-Amerika. Portugalani recevas plu multa teritorii kam en olima Kontrato di Tordesillas.
• 24ma di januaro - Granda incendio en Istanbul destruktas 10 mil domi.
• 15ma di februaro - Pos ke Hispania e Portugal paktis ke fluvio Uruguay esus la frontiero inter lia teritorii en Sud-Amerika, lokala guberniestro Hispana imperas l'evakuo di sep Jezuita misioni en San Angel, San Nicolas, San Luis, San Lorenzo, San Miguel, San Juan e San Borja.
• 14ma di aprilo - Grupo di sklavi qui transportabis ad Amerika revoltas e sucese prenas kontrolo di Britaniana sklavo-transportero Snow Ann. Li pose retroduktas la navo a la nuna rivo di Gabon, ube omna sklavi liberigesas.

Julio til decembro

• 11ma di julio - Halifax, Nova-Skotia, destruktesas preske komplete da fairo.
• 11ma di novembro - Tumulti komencas en Lhasa pos mortigo dil suvereno di Tibet.

Dato nekonocata

• Karim Khan Zand, fondinto di la dinastio Zand, divenas diktatoro di suda Persia.

Naski

• 18ma di agosto - Antonio Salieri, Italiana kompozisto (m. 1825)

Morti

• 28ma di julio - Johann Sebastian Bach, Germana kompozisto (n. 1685)
• 31ma di julio - Rejulo João la 5ma di Portugal (n. 1689)
• 12ma di agosto - Rachel Ruysch, Nederlandana piktistino (n. 1664)