1735

La yaro 1735 (MDCCXXXV per Romala algarismi) esis ordinara yaro komencinta ye saturdio segun Gregoriala kalendario, ed ordinara yaro komencinta ye merkurdio segun Juliala kalendario. Ol esis la 735ma yaro di la duesma yarmilo, la 35ma yaro di la 18ma yarcento, e la 6ma yaro di la yari 1730a. Kande 1735 komencis, Gregoriala kalendario esis 11 dii avan Juliala kalendario, qua duris uzesar en kelka loki til 1923.

Eventi

Europa

• Sueda Carl von Linné (originale Linnaeus) publikigas sua verko pri naturala sistemo. Il skisas klasifiko-sistemo di tota plantaro ed animalaro. Il deskriptas veneral organi di planti, quo komocionas longe: granda Germana Johann Wolfgang von Goethe dum la yari 1820a deziros, ke yunini ne lektez verko di Linné.
• Milito Rusa-Turka komencas. Rusa imperio probas impedar l'inkursi di Tartari en Ukraina.

Azia

• somero - En Persia, Nadir shaho, konsilisto e militestro di lasta safavido-regnanto, vinkas Turkiani en kombato che Baghavand e konquestas Tbilisi.
• 18ma di oktobro - Qianlong divenas imperiestro di Chinia. L'imperio di la dinastio Qing divenos maxime vasta, la habitantaro kreskos e la stato richeskos. Omna revolti represesos senajorne.

Nord-Amerika

• L'invektivo-litijo di John Peter Zeuger produktas jurnalaro di nord-Amerika libereso di vorto.
• Choseo de Québec til Montréal inauguresas en Kanada.

Naski

Paul Revere

• 1ma di januaro - Paul Revere, Usan arjentisto e Patrioto en la Usana Revoluciono (m. 1818)
• mayo - Dmitri Levicki, Rusa piktisto (m. 1822)
• 5ma di septembro - Johann Christian Bach, Germana kompozisto (m. 1782)
• 28ma di septembro - Augustus Henry FitzRoy, chefministro di Unionita Rejio (m. 1811)
• 30ma di oktobro - John Adams, duesma prezidanto di Usa (m. 1826)

Morti

• 8ma di oktobro - Imperiestro Yongzheng di Chinia (n. 1678)