1768

La yaro 1768 (MDCCLXVIII per Romala algarismi) esis bisextila yaro komencinta ye venerdio segun Gregoriala kalendario, e bisextila yaro komencinta ye mardio segun Juliala kalendario. Ol esis la 768ma yaro di la duesma yarmilo, la 68ma yaro di la 18ma yarcento, e la 9ma yaro di la yari 1760a. Kande 1768 komencis, Gregoriala kalendario esis 11 dii avan Juliala kalendario, qua duris uzesar en kelka loki til 1923.

Eventi

Europa

• 6ma di decembro - L'unesma edituro di Encyclopædia Britannica publikigesas.

Afrika

• L'exploro-voyajo di Skota James Bruce komencas, til 1773. Ilu kredas, ke il deskovris la fonto di Nilo, ma fakte il deskovris la fonto di Blua Nilo.
• Mamluk-oficiro Ali Bey al-Kabir revokas Otomana guberniestro Rakım Mehmed Pasha e komencas regnar en Egiptia.

Azia

• 21ma di decembro - Rejulo Prithvi Narayan Shah unionas diversa mikra rejii en singla rejio, e kreas la nuna Nepal.

Oceania

• Unesma exploro-voyajo di James Cook komencas, finonta en 1771.

Naski

• 7ma di januaro - Joseph Bonaparte, rejulo di Napoli e Hispania (m. 1844)
• 28ma di januaro - Rejulo Frederik la 6ma di Dania (m. 1839)
• 13ma di februaro - Édouard Adolphe Casimir Joseph Mortier, militisto e nobelo Franca (m. 1835)
• 10ma di marto - Domingos Sequeira, Portugalana piktisto (m. 1837)
• 18ma di aprilo - Jean-Baptiste Debret, Franca piktisto (m. 1848)
• 3ma di mayo - Agustín Eyzaguirre, prezidanto di Chili (m. 1837)
• 2ma di julio - Andrei Martinov, Rusa piktisto (m. 1826)
• 22ma di agosto - Josef Abel, Austriana piktisto (m. 1818)
• 4ma di septembro - François-René de Chateaubriand, Franca skriptisto (m. 1848)

Morti

• 19ma di aprilo - Canaletto, Italiana piktisto (n. 1697)
• 17ma di novembro - Thomas Pelham-Holles, chefministro dil Unionita Rejio (n. 1693)