Mateo

De Wikipedio
Irez a navigado Irez a serchilo
Gurdo kontenanta mateo.
Paki di triturita folii di Ilex paraguariensis, qua uzesas por preparar mateo.

Mateo (Portugalane mate o chimarrão, Hispane cimarrón o paraguay-teo) esas infuzajo qua precipue esas drinkat en Sud-Amerika. La drinkajo esas tipala por Uruguay, Arjentinia la sudo di Brazilia, ed anke Paraguay (ube ol nominesas tereré ed esas la nacionala drinkajo), Bolivia e Chili.

Mateo esas infuzuro de yuna folii e burjoni (Portugalane: erva-mate; Hispane: yerba mate) di la mate-planto (Ilex paraguariensis). La yerba-mate esas preparata por uzo per sikigar la verda folieti che fairo. Pro to la mateo obtenas olua tipala fumagita saporo. Pose la folieti esas muelita. Varma aquo varsesas ur la folii muelita por preparar l'infuzuro. En Arjentinia, Uruguay e Braziliana stato Rio Grande do Sul mateo drinkesas varme, kontre ke en Paraguay ed en la stato Mato Grosso do Sul en Brazilia on vartas til ke l'aquo koldesas til ambientala temperaturo, o mem uzesas glacio por koldigar ol. Matureso e fineso di la folieto efektigas diferi de qualeso.

Mateo havas bitra-dolca saporo. Dependanta de la qualeso di yerba-mate dominacas lo bitra o lo dolca. Anke vendesas nefumagita mateo.