Poços de Caldas

De Wikipedio
Poços de Caldas
Poços de caldas1.JPG
Poços de Caldas.
Bandeira de Poços de Caldas (MG).png BRASAO POCOSDECALDAS.jpg
Standardo Blazono
Lando: Flag of Brazil.svg Brazilia
Stato: Minas Gerais
Informo:
Fondita ye: 6ma di novembro 1872
Latitudo: 21º50'20" S
Longitudo: 46º33'53" W
Altitudo: 1196 m
Surfaco: 547 km²
Habitanti: 164 912 (2016)
Denseso di habitantaro: 301,45 hab./km²
Disto de Belo Horizonte: 461 km
Horala zono: UTC-3
(UTC-2 dum la somero)
Urbestro: Sergio Antonio Carvalho de Azevedo (PSDB)
Mapo di Poços de Caldas
Oficala retosituo:
www.pocosdecaldas.mg.gov.br
Centrala quartero di Poços de Caldas.

Poços de Caldas esas urbo an la sudo di la Braziliana stato Minas Gerais. Segun statistiki de 2016, ol havis 164 912 habitanti. Lua totala surfaco esas 547 km².

Lua aqui sulfoza kun medicinala propraji ja konocesis dum la 17ma yarcento. En 1872 la farmisto José Bernardes Junqueira donis tereni ube jacis la fonti di aquo por konstruktar l'urbo. L'akto di donaco signatesis ye la 6ma di novembro ta yaro, dio qua konsideresas la dio di fondado dil urbo.

En 1886 lor imperiestro Pedro la 2ma di Brazilia vizitis la regiono ed inauguris ferovoyala staciono ibe. Tri yari pose, la regiono separesis de l'urbo Caldas, e divenis municipo. Lua developo augmentis dum la komenco di la 20ma yarcento, e la prospero duris dum tota l'epoko en ke la kazini permisesis funcionar en Brazilia.

Nune ol duras esar importanta turistala urbo pro lua bela peizaji, milda klimato, sulfoza aqui e charmoza konstrukturi.